Jueces 21:10 - Wuj Pa K'ubultzij

^10-11 Are uri konojel ni'pa kimolom kib' chila pa tinimit Betel, xkitaq b'i lajujmo' juchiy (12,000) achiyab' chi lik je yij che i ch'oj, xkib'ij chke: Chikamsaj konojel ixoqib' xaq konojel ak'alab' aj pa tinimit Jabes re Galaad, konojel achiyab' xaq konojel ixoqib' chi kiminom chik kib' ku' achiyab'.

Jueces 21:10 Referans Kwoze

1 Samuel 11:7

Are uri xeuk'am pan keb' b'oyexab' xu'an ch'aqa taq chke te'uri xutaq b'i uk'utik pa ronojel taq tinimit Israel, i ajb'il tzij keje iri kkib'ij chke i winaq: “Lik keje iri k-ani chke kib'oyexab' ni'pa kkiya ti kiwach ru' a Saúl xaq ru' ma Samuel.” Are uri xpe jun nim laj xib'rikil chke konojel i winaq rumali juntir xkiya kiwach ku'.

Jueces 21:5

Kkitz'onoj chkiwach ike: “¿Pachin taq jun chqe chi oj o chi wo'or xupon ti pa moloj ib' chila pa Mizpa?”, Man lik kisaqim chi pachin jun kupon ti pa moloj ib', kkam na.

Jueces 5:23

I ángel re i Ajwal kutzijoj: “¡Chpet ni jun k'ax laj tojpen puwi ma Meroz xaq pkiwi konojel uwinaq!” Man xeupon ti chkito'ik i ajch'oj re i Ajwal pacha xki'an i ko kiwach.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

JOSUÉ 7:24

Ma Josué xaq konojel i je aj Israel xkik'am b'i Acán chi umuq uxikin ma Zera che jun ta'aj chi Acor ub'i, xkik'am b'i ronojel ni'pa i rel-am xaq i rak'al, uchikop, u'axna, uchij, k'ul chi re umujanb'al, xaq ronojel ni'pa ub'itaq re.

Deuteronomio 13:15

lik keikamsaj ni uri konojel i winaq ru' ch'ich' chi je o chupam i tinimit le junam ku' konojel kichikop xaq kichup ni uwach ronojel ni'pa ub'itaq ke.

NÚMEROS 31:17

Te'uri xub'ij chke: Su' wo'or cheikamsaj konojel ral taq alab'om, xaq su' cheikamsaj konojel ixoqib' chi kiminom chik kib' achiyab' ku'.

Jueces 21:8

Xkitz'onoj: “¿O nawi jun chi chqaxol chi xupon ti pa moloj ib' chwach i Ajwal chila pa Mizpa?” Are uri xk'un chkik'ux chi mijun chke aj Jabes re Galaad xeupon ti pa moloj ib'.

Jueces 21:9

Man are xik'awsax b'iyaj, mijun xula' uwach ub'i.