Jueces 20:45 - Wuj Pa K'ubultzij

⁴⁵ I jub'an chik achiyab' xe'anmaj pa tz'inilik jyub' chaqij, pusuk' i nim laj ab'aj chi Rimón ub'i, xwiri lajujwinaq kab'lajujmo' (5,000) achiyab' chi je yij che i ch'oj xekam pa taq b'e. I aj Israel xkimayij ti terejik chkij k'a xekikamsaj jo'mo' (2,000) chik che i ulew Gidom.

Jueces 20:45 Referans Kwoze

JOSUÉ 15:32

Lebaot, Silhim, Aín xaq i Rimón; b'elejeb' juwinaq (29) tinimit rachi'ilam ukomon ronojel.

Jueces 21:13

Are uri i aj Israel xkitaq utzukuxik utzob'ajil ma Benjamín chi je o chila pa nim laj ab'aj Rimón xaq xkib'ij chke chi kkitzukuj i chomb'al ib' chkiwach.

ZACARÍAS 14:10

Ronojel uwach ulew kkanaj na lik uwata'aj, kjeqan li pa Geba k'a pa Rimón, pa wiqab' re i tinimit Jerusalén. I Jerusalén lik nim ni u'ij, lik kejeqi ni winaq chupam che i k'ijib'al le, kjeqan b'i che uchija re i Benjamín k'a che Uch'uk chik jun Uchija, ipa te o wi Uchija Ujer, xaq kjeqan b'i k'a che i ja tak'taq re i Hananeel k'a ipa kyitz' wi aceite re i ajawinel.

PRIMER LIBRO DE CR%D3NICAS 6:77

Chke i jub'an chik umuq uxikin ma Merari xya' i tinimit Rimón xaq Tabor chi ke utzob'ajil ma Zabulón. I keb' tinimit le o kiwayb'al chikop chwach.

Jueces 20:44

Jo'mo' kachiy (18,000) achiyab' chi je yij che i ch'oj xekam chke utzob'ajil ma Benjamín.

Jueces 20:46

Che i ij le xekam lajujwinaq kamo' oxchiy (25,000) achiyab' re utzob'ajil ma Benjamín chi je yij che i ch'oj chi xaq lik ko kiwach.