Jueces 20:37 - Wuj Pa K'ubultzij

³⁷ I achiyab' le chi kuwam kan kib' xaqte'et xe'ok b'i pa tinimit Gabaa, xekikamsaj konojel i winaq ru' ch'ich'.

Jueces 20:37 Referans Kwoze

JOSUÉ 8:19

I achiyab' chi je yij che i ch'oj chi kuwam kib' chrij i tinimit, are xkil i che' ch'ich' utzam chi xuyak an ma Josué, are uri xe'el la loq xaq juntir xe'ok la b'i pa tinimit chunak'ik a' che.

JOSUÉ 6:5

Yix are kita chi rok'a' chij lik chom xaq junwi ch'awik k-ono, xaq keje uri yix ko chixsik'inoq; are uri i tapial chi sutinnaq chrij i tinimit kwulij na loq. Te'uri suk'ulik chixok b'i yix chu'anik ch'oj chrij i tinimit.”

ÉXODO 19:13

Lik mijun kuya taq u'ab' puwi i koral man we o jun kuya u'ab' puwi lik kkamsax ni uri ru' ab'aj xaq we ntaj ru' ch'ab'; xab'iroxik we winaq xaq we chikop, lik kk'asi ti chik. Xwi are kch'aw i trompeta te'uri kixel li chwi jyub' —xcha i Dios che ma Moisés.

JOSUÉ 8:13

Keje x-on ile, jutzob'aj achiyab' chi je yij che i ch'oj xek'iji pa moxab' che i tinimit xaq jutzob'aj chik xek'iji pusuk' i uqajb'al ij. Che a'ab' le xmalkat pan ma Josué chwa ta'aj.

JOSUÉ 8:14

I ajawinel re i tinimit Hai are xunab'ej chi o kmalkat chwa ta'aj, juntir xkiyijb'ala kib' ku' uwinaq chi je yij che i ch'oj, te'uri xe'el loq, xe'e pa ch'oj chkij je aj Israel chwach i jyub' Arabá, xwiri reta'am taj chi sutim rij i tinimit kumal jub'an chik aj Israel.