Jueces 20:16 - Wuj Pa K'ubultzij

¹⁶ Chkixol konojel i achiyab' chi je yij che i ch'oj le, je o jo'lajujwinaq jumo' (700) achiyab' chi aj moxim, chi lik suk'ul ki'ab' che i k'aqanik, man we kkik'aq ab'aj che jun wi'ij, lik kkimajo.

Jueces 20:16 Referans Kwoze

Jueces 3:15

Aj Israel lik k'a xkitz'onoj ni utzil che i Ajwal; rumali i Ajwal xu'ul jun winaq chi keuto. I tol ke le are jun aj moxim chi ma Aod, uk'ojol ma Gera, ukwenta utzob'ajil ma Benjamín. O jun ij, i aj Israel xkitaq b'i ma Aod chuya'ik jun sipon che ma Eglón.

PRIMER LIBRO DE CR%D3NICAS 12:2

I achiyab' le je yij b'i ru' kich'ab' man lik kkiriq uk'aqik i ch'ab' xaq lik ketiki chuk'aqik ab'aj ru' ki'ab' wiqab'im xaq ru' ki'ab' moxim. Ike le je are iri: Chke i rachalal ma Saúl chi utzob'ajil ma Benjamín:

SEGUNDO LIBRO DE CR%D3NICAS 26:14

Ma Uzías le xuyijb'a ronojel ni'pa rajwaxik chke achiyab' chi je yij che i ch'oj pacha la iri: Tob'al ib' re i ch'oj, che' ch'ich' utzam, tob'al jolomaj, tob'al wach k'uxij, ch'ab' xaq k'aqb'al ab'aj.

1 Samuel 25:29

We o taq jun katuterb'ej man kraj taq akamsaxik, xwiri ak'aslemal yet lik nti kuk'ulmaj man o pu'ab' Awajwal Dios. I je ajch'oj chawij lik kek'aq nu b'i rumal i Ajwal pacha uk'aqik b'i jun ab'aj ru' k'aqb'al ab'aj.

1 Samuel 17:40

A David xuk'am b'i uch'amiy, xutzukuj b'i jo'ob' ch'irch'aq ab'aj aj chi taq ya, xuk'ol b'i chupam ral uteb', are uri xuyijb'a k'aqb'al ab'aj pu'ab' xaq xutak'b'a rib' chu'anik ch'oj ru' ma aj Filistea.

Jueces 20:17

I jub'an chik aj Israel xkimol kichi' lajujchiy kat'ub' (400,000) achiyab' chi je yij che i ch'oj, chi xaq lik ko kiwach man lik ax kki'an wi ch'oj.