Jueces 19:20 - Wuj Pa K'ubultzij

²⁰ Are uri i mam xub'ij chke: —Kinya jun utz laj k'unik chawe, yin kinya ni ronojel ni'pa i rajwaxik chawe, lik kinya ti chawe chi katkanaj kan waral pa k'ijib'al ipa kkimol wi kib' i winaq re i tinimit.

Jueces 19:20 Referans Kwoze

Jueces 6:23

Xwiri i Ajwal xub'ij che: —Maxij awib', yet katkam taj, chak'ama inchomb'al ib'.

1 Juan 3:18

Ix, ral taq wak'al, we qatzij o k'axnab'al qak'ux, xwi ti ru' qachi' kqab'ij. O uchak k-iltajik chi o k'axnab'al qak'ux saqil rumal i utz chi kqa'ano.

1 Pédro 4:9

Chiya iposar chiwach ru' ronojel ik'ux; mi'an ile chi keb' ipalaj chu'anik.

Hebreos 13:2

Msach chik'ux chi ni'pa i keupon iwu' ru' ja, utz kik'ulaxik chi'ana. O i ki'anom keje ile, xe'eloq chi are i ángel xkik'ulaj ku', tupu xketamaj taj.

Gálatas 6:6

We o jun ktijin chuk'utik i utz laj tzij k'ak' re i Dios chiwe yix, kmajawik kiya jub'i' ub'itaq iwe che ire.

1 Corintios 1:3

I Qaqajaw Dios xaq i Ajwal Jesucristo chkiya utzil chomal chiwe xaq i chomb'al ib'.

Romanos 12:13

Ni'pa i o iwu', chiya jutaq b'i' ke i o rajwaxik chke, cheito; xaq chiya kiposar ike chi keupon iwu' chi iwachoch.

Juan 14:27

“I uxlanb'al k'uxij kinya kanoq; kinya kan i uxlanb'al ink'ux chiwe, keje taj pacha i uxlanb'al k'uxij chi kkiya i winaq chi to' je re uwach i jyub' ta'aj. Rumali, mixk'achir pik'ux xaq mixij iwib'.

PRIMER LIBRO DE CR%D3NICAS 12:18

Are uri ma Amasai, chi aj-atzil chke i je lajuj juwinaq (30) achiyab', rumal utewal i Dios, xub'ij: ¡O ni chomb'al ib' awu' ma David, chi at uk'ojol ma Isaí; lik chk'iji ni i chomb'al ib' awu'. Chk'iji ni chomb'al ib' awu' xaq ku' konojel ni'pa i katkito, man a-Dios at utom yet! Are uri ma David xeuk'ulaj ru' xaq xeuya chkixol aj-atzil pkiwi achiyab' chi je yij che i ch'oj.

1 Samuel 25:6

ru' i tziji: “Ma Nabal, chak'ama i rutzil ink'ux chawe chi are rutzil awach, rutzil kiwach awak'al xaq konojel ni'pa je o awu' chi awachoch.