Jueces 18:29 - Wuj Pa K'ubultzij

²⁹ Tupu i tinimit le Lais te'eq ub'i ujer, xwiri ike xkiya pub'i Dan, kuxtab'al re i etz katit kimam chi ma Dan, chi uk'ojol kan etz ma Israel.

Jueces 18:29 Referans Kwoze

1 Reyes 15:20

Ma Ben-adad utz xuta wach xb'ix che rumal ma Asa, chi ajawinel re i tinimit Judá; are uri xeutaq b'i i kaj-atzil achiyab' chi je yij che i ch'oj man kki'an ch'oj pa tinimit Israel. Keje uri ile chi ma Ben-adad xuk'am kan i jalajuj taq tinimit: Ijón, Dan, Abel-bet-maaca, ronojel ulew Cineret xaq ronojel ulew Neftalí.

JOSUÉ 19:47

Xwiri i kalk'uwal utzob'ajil ma Dan xe'ok ti chwach ulew le chi xya' chke, rumali xe'e pa Lesem, xekikamsaj ru' ch'ich' konojel ni'pa i je o chila, te'uri xki'an ke che ulew, xaq lik xejeqi chwach; i ulew Lesem le xkiya pub'i Dan, man kuxtab'al kan re i katit kimam chi ma Dan ub'i.

GÉNESIS 14:14

Are xuta ma Abram chi o chik rika' prexil pki'ab' ajch'oj, xumol kichi' umokom chi je alaxel prachoch chi xaq je yij che i ch'oj, je wajxaqlajuj jo'lajujwinaq (318) xeyiji konojel, are uri xeterej b'i chkij i ajawinelab', xekiriqa k'a chila che i tinimit Dan.

Jueces 20:1

Are uri konojel aj Israel, chi kjeqan li uchi' kulew pa Dan, kupon k'a Beerseba xaq k'a che i Galaad, xkimol kib' pacha xa jun achi chila pa tinimit Mizpa chwach i Ajwal.

2 Samuel 17:11

Rumali wo'or, yin kinya jun anojb'al chi rajwaxik kamol kichi' konojel aj Israel chi kjeqan b'i che i tinimit Dan k'a che i tinimit Beerseba, chi lik je k'i pacha uk'iyal i seneb' chi o chuchi' i mar, xaq lik are ni yet katnab'ej b'i chkiwach chu'anik ch'oj.

GÉNESIS 32:28

Are uri i achi le xub'ij che: —Kb'ix ti chik ma Jacob chawe, wo'or ma Israel kb'ix ni chawe, man xapaj awib' pa cho'ab' ru' i Dios xaq ku' i winaq, xwiri yet xatch'akanik —xcha.

GÉNESIS 30:6

Are uri xub'ij ati Raquel: “I Dios xu'an atb'al tzij chwe, lik xuta wach xintz'onoj che, man xuya jun walab'.” Rumali xuya pub'i a Dan.

Jueces 18:7

Are uri xe'e i jo'ob' achiyab' ajtaqenel pa tinimit Lais. I winaq chi je o chila che i tinimit le kkich'ob' ike chi nti kkik'ulmaj, lik keje pacha i aj Sidón, chi lik utz je olik xaq o i chomb'al k'uxij chkixol, lik nti kech'ich'awik xaq lik nti kramtaj chke. Xwiri lik naj je o wi chke aj Sidón, lik nti jun winaq kelapan ku'.

JEREMÍAS 8:16

¡Ya kk'un ajch'oj chqij! ¡Ya ktataj chik i kuxlab' i kaway pkitzam k'a chila pa Dan! Are kyirir i kaway kyikyat ronojel ulew. Xek'un chusachik uwach i tinimit xaq ronojel ni'pa o chupam, konojel i nimaq taq tinimit xaq konojel ni'pa je jeqel chwach.”

Deuteronomio 34:1

Ma Moisés xel chila chwa taq ta'aj Moab, xpaqi b'i chwi jyub' Nebo k'a xupon puwi i jyub' Pisga, chi o chwach i Jericó. Are o chila i Ajwal xuk'ut ronojel ulew che re i Galaad, k'a pa rulew ma Dan,