Jueces 18:12 - Wuj Pa K'ubultzij

¹² are xeupon pa Judá chila xe'uxlan wi, puqajb'al ij che i tinimit Quiriat-jearim, chi wo'or k'ijib'al re ma Dan ub'i.

Jueces 18:12 Referans Kwoze

Jueces 13:25

Xuk'ulmaj jun ij i a Sansón le are o chila che i k'ijib'al ipa je o wi utzob'ajil ma Dan, chi o chuxol i Zora xaq i Estaol, are uri utewal i Ajwal xutikb'a uk'utik rib' puk'aslemal a Sansón.

JOSUÉ 15:60

Xaq i tinimit Quiriat-baal chi are i Quiriat-jearim, xaq i Rabá; keb' tinimit rachi'ilam ukomon.

SEGUNDO LIBRO DE CR%D3NICAS 1:4

Xwiri ma David uk'amom b'i ukaxa i Dios chila Quiriat-jearim, xuk'am b'i k'a che i k'ijib'al chi uyijb'am ire, chi uyakom jun ja re k'ul chila Jerusalén.

1 Samuel 7:1

Are uri xeupon i winaq aj Quiriat-jearim chuk'amik i lo'laj ukaxa i Dios, xkik'am b'i chi rachoch ma Abinadab chi o rachoch puwi jun jyub'. Chila xki'ul wi a Eleazar chi uk'ojol ma Abinadab man kuchajij i lo'laj ukaxa i Dios.

JOSUÉ 9:17

Rumali xkimaj b'i kib'e chkitzukuxik aj Gabaón, churox ij xeupon pa kitinimit: Gabaón, Cafira, Beerot xaq Quiriat-Jearim.

JOSUÉ 15:9

Che i jyub' le kuko'ij chub'i uchi' pusuk' i ralaxb'al ya Neftoa, te'uri kik'aw chik uchi' le pa taq tinimit re i jyub' Efrón, kqaj b'i pa Baala chi Quiriat-jearim ub'i.

Jueces 18:11

Are uri lajujwinaq jumo' (600) achiyab' re utzob'ajil ma Dan xe'el chila pa tinimit Zora xaq pa tinimit Estaol, konojel lik kiyijb'am b'i kib' che i ch'oj,

Jueces 18:13

Are xe'el chila xe'e che i jyub' re ma Efraín, are uri xeupon chi rachoch ma Micaía.

1 Samuel 6:21

Are uri xkitaq b'i tziji chke aj Quiriat-jearim: “I aj Filistea xkitzalijsaj li lo'laj ukaxa i Dios, rumali chixpet chuk'amik.”