Jueces 17:10 - Wuj Pa K'ubultzij

¹⁰ Are uri ma Micaía xub'ij che: Chatjeqel chi wu', man keje ile kin-an chawe chi at wajsujul sipon xaq at pacha taq inqajaw. Yin katintoj ni lajuj saqpwaq jun junab', xwi ta la ile xaq kinya a'u' xaq i awa.

Jueces 17:10 Referans Kwoze

1 Pédro 5:2

Lik kinb'ij chiwe: Cheichajij i jutzob'aj re i Dios chi je o pi'ab'; cheichajij pacha jun ajyu'ul chij keuchajij uchij. Chi'ana ru' ronojel ik'ux; man are kraj i Dios, mi'an to' pacha ch'akb'al ipwaq. Chi'ana ru' rutzil ik'ux man lik kiwaj kito'ik.

1 Timotéo 6:10

Ile ke'eloq, urayijb'al uwach i pwaq are uxeb'al ni'pa taq utz taj. O jujun chi xa rumal kirayijb'al che i pwaq, kikanam kan i utz laj b'e, rumal ile k'i ni uyej kipetsam pkiwi.

Juan 12:6

Xwiri ma Judas, rumal ti k'axnab'al uk'ux chke i nib'a'ib' xub'ij i tzij le, man ire xa are jun ili'om, ire are ajk'olol pwaq chkij i rachi'il; lik o krel-aj che i pwaq chi uk'olom.

Mateo 26:15

Xub'ij chke: —¿Ni'pa kiya chwe we kinjach i Jesús pi'ab'? —Xcha chke. Ike xkiya lajuj juwinaq (30) saqpwaq che.

Ezequiel 13:19

Yix, xa rumal jujun mo'aj cebada xaq jujun taq qax re wa re trigo, kiqajsaj in-ij chwach intinimit, keikamsaj i winaq chi kmajaw taj kekamik, xa kiya kan kik'aslemal i winaq chi kmajaw taj je k'aslik. Keje ut'orik intinimit ile ki'ano, chi kekojon che i t'oronik.

ISAÍAS 22:21

Kinwiq ni ru' a'u' naj raqan, kinkoj ni paqb'al apam che chi yab'al u'ij xaq kinya ni a'atb'al tzij pu'ab'. Lik pacha kiqajaw ni'pa je jeqel pa Jerusalén xaq chke ni'pa je jeqel pa tinimit Judá.

Job 29:16

in kiqajaw i jub'an chi o rajwaxik chke xaq in ajtonel ke i winaq aj naj!

2 Reyes 13:14

Ma Eliseo lik iwab', kamik chik re, are uri ma Joás, chi ajawinel re i tinimit Israel, x-e chrilik, are xuponik, xutz'ulej, xo' ru' xaq xub'ij che: —¡Inqajaw, Inqajaw, yet pa tinimit Israel at keje pacha jun jutzob'aj achiyab' chi je yij che i ch'oj chi lik ko kiwach!

2 Reyes 6:21

I ajawinel ke aj Israel are xeril konojel i winaq le, are uri xutz'onoj che ma Eliseo: —Inqajaw, ¿Keinkamsaj nawi?

1 Samuel 2:36

Are uri konojel ni'pa kek'asi ni kan chke awalk'uwal, kek'un na xaq kexuki ni chwach rumal jun saqpwaq xaq we rumal ch'aqap wa; xaq kkitz'onoj ni kichak chkixol i ajsujul sipon re ch'akb'al re wach kkitijo.”

Jueces 17:11

I aj Leví le xraj wach xb'ix che rumal ma Micaía, rumali xjeqi chila chi rachoch ma Micaía, i ala le xe'eloq pacha taq jun chke i rak'al.

GÉNESIS 45:8

Yix taj xinitaq li waral, are i Dios xintaqaw loq, man xu'an chwe chi pacha in uqajaw ma faraón. Xaq in aj-atzil prachoch, xwi ta la ile xaq xinuya puwi ronojel ulew Egipto.

Jueces 17:9

Are uri ma Micaía xutz'onoj che Ala: —¿Ipa at petnaq wi? —I ala le xub'ij che: —In petnaq chila pa tinimit Belén. Yin in aj Leví, kintijin chutzukuxik jun k'ijib'al ipa kinjeqi wi.

Jueces 18:4

Are uri aj Leví xub'ij chke wach i trat chi xu'an ma Micaía ru', xaq xub'ij chi are ire ajsujul sipon re ma Micaía.

2 Reyes 2:12

I ma Eliseo are xril ronojel ile, are uri ko xsik'in chub'ixkil: “¡Inqajaw, Inqajaw, chi at keje pacha kik'iyal achiyab' chi je yij che i ch'oj chke aj Israel!” Chrijil chik ile, xril ti chik uwach ma Elías, are uri ma Eliseo xuraqch'ij u'u', xu'an keb' che, k'utb'al re ub'is.