Jueces 16:5 - Wuj Pa K'ubultzij

⁵ I aj-atzil ke aj Filistea xe'e chrilik al Dalila xaq xkib'ij che: —Chat'oro a Sansón xaq chatz'onoj che ipa kpe wi i nim laj ucho'ab' le chi lik b'isb'al xaq wach qatikilem che, man kqachapo xaq kqayut'u, man keje ile pqa'ab' yoj kk'iji wi. Yoj chqajujunalil kqaya jo'lajujwinaq kamo' (1,100) saqpwaq chawe tojb'al awe.

Jueces 16:5 Referans Kwoze

Jueces 14:15

Are uri che ukaj ij xkib'ij che i rixoqil a Sansón: —Chab'isoj relsaxik usuk' i nanik tzij che awachijil, man we ka'an taj kqanak' a' chawe yet xaq chke kalk'uwal aqajaw achuch; ¡Yix xojisik'ij pa nima'ij xa rumal kiwaj kimaj ub'itaq qe chqe!

JOSUÉ 13:3

chi kupon uchi' k'a chi raqana Sihor chi o prelb'al ij che i Egipto, uponnaq k'a chuchi' kulew je aj Ecrón chila pa moxab', chi kulew aj Canaán kb'ixik; chwach ulew le je o jo'ob' ajawinelab' ke je aj Filistea: Ajawinelab' ke je aj Gaza, ajawinel ke je aj Asdod, ajawinel ke je aj Ascalón, ajawinel ke je aj Gat xaq aj ajawinel ke je aj Ecrón. Xaq k'amaja kamaj kan kulew je aj Ava,

Mateo 26:15

Xub'ij chke: —¿Ni'pa kiya chwe we kinjach i Jesús pi'ab'? —Xcha chke. Ike xkiya lajuj juwinaq (30) saqpwaq che.

Miqueas 7:3

Lik je tijonel re i utz taj; i ajpatanib' kkitz'onoj mer chke i winaq, i aj-atol tzij kkik'am i mer chi ksujux chke, i nimaq taq aj-atzil kki'ano wach kkaj ike, i kkitzij i tinimit.

1 Samuel 29:6

Are uri ma Aquis xusik'ij ma David xub'ij che: —¡Lik saq laj tzij chi i Ajwal k'aslik, chi yet lik at suk'ul laj achi! Xaq lik utz xwilo wach xa'an chila pa k'ijib'al ipa qamolom wi te'eq qib', lik nti jun utz taj a'anom ni'pa ak'unik chi. Xwiri aj-atzil ke aj Filistea katkaj taj,

Jueces 17:2

Xuk'ulmaj jun ij i ma Micaía xub'ij che uchuch: —Kk'un chak'ux chi o jo'lajujwinaq kamo' (1,100) saqpwaq chi xel-ax chawe jela kanoq, chi xaya i k'oqonik puwi ili'om, ile wu' yin o wi. Yin xin-el-awik, xwiri wo'or kintzalij chik chawe, man xinta chi ajachom pu'ab' i Ajwal re kataqb'ej u'anik jun atiox ch'ayom chi xaq kakoj saq-o'oj chrij. Are uri xutzalijsaj chik jo'lajujwinaq kamo' (1,100) saqpwaq che uchuch; are uri uchuch xub'ij che: —I Ajwal chuya ni utzil chomal pawi wak'al.

Jueces 3:3

Keje uri ile chi xekanaj kan jo'ob' ajawinelab' aj Filistea, konojel aj Canaán, aj Sidón xaq aj Jiw chi je jeqel te'eq chwi taq jyub' Líbano, chi kjeqan b'i uchi' che i jyub' Baal-hermón k'a che i okb'al chi Hamat ub'i.

GÉNESIS 33:16

Lik che i ij le xtzalij b'i ma Esaú pa Seir.

Jueces 16:4

Chrijil chik ronojel ile, a Sansón x-e uk'ux che jun ali chi al Dalila ub'i, chi jeqel chila chwa ta'aj Sorec.

Jueces 16:6

Are uri al Dalila le xub'ij che a Sansón: —Cha'ana jun utzil chwe, chab'ij chwe ipa kpe wi i nim laj acho'ab' le chi lik b'isb'al ¿Wach nawi aximik k-anik man kattiki ti chik chutorik awib'?