Jueces 16:25 - Wuj Pa K'ubultzij

²⁵ Lik kekikotik rumali xkib'ij: Chik'ama li ma Sansón chqawach man kojetz'an pich' ru'. Rumali chi xkesaj li a Sansón prexil, lik xe'etz'an ru' xaq xkitak'b'a chuxol keb' aqan.

Jueces 16:25 Referans Kwoze

2 Samuel 13:28

xaq ub'im chik chke rajchak: “Are kiwilo chi lik oknaq li ab'arik che a Amnón rumal k'i chik uwa'al uva muqb'am utu'um xaq are kinb'ij yin chiwe chi kikamsaj, su' chikamsaj. Lik mixij iwib' chukamsaxik, man i taqanik le lik yin xinyawik, rumali chi lik chikowij ik'ux.”

Jueces 19:6

Are uri chekeb' junam xekub'i che i wa'im xaq chutu'ik kiya'. I uqajaw ixoq xub'ij che uji': Chatkanaj kan jun a'ab' chi man keje ile kojkikot chik jun a'ab'.

Jueces 9:27

Are uri xe'e pa taq es chumolik i uva, te'uri xkiyijb'a uwa'al uva muqb'am, te'uri xki'an jun nim laj nima'ij, xe'ok chwa'im xaq xe'ok che i ab'arik prachoch i kitiox ike, xaq lik xe'ok chuk'oqoxik ma Abimelec.

Hebreos 11:36

O jub'an chik xkich'ijo xeyo'yaxik, xaq xkich'ijo are xya' kilo'xik; xaq xwi ta la ile, xaq xkich'ijo chi xexim ru' karena, xaq xetz'apix prexil.

Mateo 27:29

Te'uri xkikoj jun koron k'ix che ujolom, xaq xkiya jun che' pu'ab' wiqab'im. Te'uri xexuki chwach, xaq xe'ok chuyo'yaxik; xkib'ij che: —¡Chk'asi ni i ajawinel ke i aj Judío! Xecha

ISAÍAS 22:13

Xwiri are i olik, are i kikotsanel ib' xaq i kikotemal, re kkamsax i chikop xaq i chij, re utijawik ti'ij xaq i utu'ik i uwa'al uva muqb'am. “Chojwa'oq xaq chojtu'anoq man chweq kojkamik.” Kixcha.

Salmos 69:26

man kkiterb'ej i jun chi aya'om pa b'is, xaq kkiyo'ya i jun chi aya'om pa k'ax.

Salmos 69:12

Lik incha' pkichi' i winaq, xaq i ab'arelab' kinkiyo'ya pa b'ix.

Ester 3:15

I ajjachol wuj le lik juntir xkijacho man keje utaqanik i ajawinel ile, i taqanik le xya' retamaxik chila pa tinimit Susa. Tz'aqat i ajawinel xaq ma Amán ketijin che ab'arik, konojel i winaq pa tinimit Susa keb'isonik.

1 Reyes 20:12

Are xya' utzijol che ma Ben-adad, ire ktijin che i ab'arik ku' i jub'an chik ajawinelab' chuxe' i mujb'al re es chi lik k'ate xkiyijb'a. Are uri i ajawinel le xub'ij chke i rajpatan: “¡Jix chu'anik ch'oj chkij!” Are uri konojel xe'e chu'anik ch'oj chrij i tinimit.

Jueces 19:9

Are xkelej wa'im, are uri aj Leví xwalijik man ke'e junam ru' qas ti mer rixoqil xaq i umokom; are uri uqajaw ixoq le xub'ij che chi lik pen chik man ya kqaj i ij. Rumali xub'ij chik che chi kekanaj chik jun a'ab' chila man kekikot chik, te'uri chukab' ij lik we' ke'ek.

Jueces 18:20

Ile lik utz xuta i ajsujul sipon, rumali xuk'am b'i tiox che' chi ch'uqum rij ru' saq-o'oj, efod xaq i jub'an chik tiox chi ke alk'uwalil, are uri x-e ku'.

Jueces 16:24

I winaq are xkil uwach a Sansón xkib'ixaj xaq xkikoj u'ij ki-dios ru' i b'ixi: I qa-dios xujach ma Sansón pqa'ab' chi ajch'oj chqij man ire xuk'at qatikon xaq xeukamsaj k'iyal qawinaq.

Jueces 16:26

Are uri a Sansón le xub'ij che i ala chi ok'awnaq b'i che u'ab': —Chinaya chila ipa o wi aqan chi upaqem ronojel i rachoch i dios Dagón man kwaj kin-ay b'a wib' che.

Ester 1:10

Che uwuq ij re i nima'ij, i ajawinel lik kkikotik rumal utu'ik i uwa'al uva muqb'am, xutaq b'i ma Mehumán, ma Bizta, ma Harbona, ma Bigta, ma Abagta, ma Zetar xaq ma Carcas, wuqub' achiyab' chi xelsax kikowil chke,