I Ajwal keuto ni utinimit, are krilo chi nti chik kicho'ab', i Ajwal kril ni tob'al kiwach i rajpatan, are krilo chi nti chik kicho'ab', xaq lik mijun chik kukowij uwach chke.
Tupu ix o pkitinimit, i je ajch'oj chiwij, kixwo'taj taj xaq tzel ti kixwilo, kinchup ti iwach xaq kinramtaj ti che i trat chi xin-an ku' iwatit imam, man Yin in Iwajwal Dios.
Are uri aj Filistea xkichapo xaq xkesaj b'i ub'a'wach chekeb', xaq xkik'am b'i pa tinimit Gaza, chila xkiyut' wi ru' karena anch'ich' xaq xkitaq chuchaqik tzi ru' chaqb'al re, chila prexil.
Are uri i kaj-atzil aj Filistea xkimol kib' chu'anik jun nima'ij rumal uchapik a Sansón xaq chuya'ik kisipon chwach ki-dios chi Dagón ub'i, xaq xkib'ixaj i b'ixi: “I qa-dios xujach a Sansón pqa'ab' chi ajch'oj chqij.”
