Jueces 16:21 - Wuj Pa K'ubultzij

²¹ Are uri aj Filistea xkichapo xaq xkesaj b'i ub'a'wach chekeb', xaq xkik'am b'i pa tinimit Gaza, chila xkiyut' wi ru' karena anch'ich' xaq xkitaq chuchaqik tzi ru' chaqb'al re, chila prexil.

Jueces 16:21 Referans Kwoze

Proverbios 2:19

Ni'pa i ke'ok chi rachoch ixoq le, lik ke'el ti chaloq, lik ketzalij ti chik che i b'e re i k'aslemal.

Mateo 24:41

Xaq je o ni keb' ixoqib' ketijin che i ke'em. Jun chke kk'am nu b'ik; i jun kkanax kanoq.

ISAÍAS 47:2

Chak'ama i ka' re kenb'al, chajok'o i trigo, chawesaj i k'ul paja' xaq chayaka an a'u', chach'anb'a li awa' chisaq, chaqan chea'axuj i raqana;

Proverbios 14:14

I b'uy laj winaq kkikot ru' i utz ti laj unojb'al; xwiri i utz laj winaq kkikot ru' i utz chi ku'ano.

ÉXODO 11:5

keinkamsaj ni konojel i nab'e taq ak'alab', kinjeq li che i nab'e rak'al ma faraón chi o pa kub'ib'al chi o u'ij, kink'isa ni k'a ru' i nab'e rak'al ixoq chi kchaqaw i tzi, xaq keje ile chke konojel i nab'e taq kak'al i chikop.

Proverbios 5:22

I utz ti laj winaq lik are umak kximaw na, are umak le k-anaw ni che chi utukel kuxim rib'.

Salmos 149:8

re yut'b'al ke i ajawinelab' xaq i winaq chi o ki'ij, ru' nimaq taq karena re ch'ich',

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

2 Reyes 25:7

Lik chwach ma Sedequías xtaq uworik pkiqul i rak'al, xaq ire xtaq relsaxik ub'a'wach che, te'uri xtaq uyut'ik ru' karena k'amb'al b'i re pa tinimit Babilonia.

NÚMEROS 16:14

Lik saq laj tzij yet at tikinaq ti chqak'amik b'ik che jun tinimit ipa o wi leche xaq lik o uwa'al kab' chi lik kramtaj taj, xaq aya'om ti qulew chi kojtikan chwach. ¿Kach'ob' b'a taqi yet ile chi oj mawach man to' utz kojcha taq chawe ipa taq kojak'am wi b'ik? Yoj oj mawach taj rumali koj-e ti chawilik.

Jueces 16:20

Xaq xsik'in chub'ixkil che: ¡Sansón, xe'e aj Filistea chawij! Are uri ma Sansón le xk'un saq chwach, xuch'ob' ire chi k-anmaj chik pacha ax k-on wi, xwiri ire reta'am taj chi xo'tax rumal i Ajwal.

Jueces 16:22

Xwiri i uwi xujeq chik k'iyik.

JEREMÍAS 39:7

Xwiri i ma Sedequías xutaq relsaxik ub'a'wach, te'uri xutaq uximik ru' karena re kkik'am b'i Babilonia.

Lamentaciones 5:13

I achiyab' chi lik o kicho'ab' xetaq che ke'em; i alab'om xetzaq chuxe' ralil i si'.