Jueces 16:2 - Wuj Pa K'ubultzij

² I winaq chi aj pa Gaza are xkinab'ej chi ma Sansón o pkitinimit, xkisutij rij i tinimit xaq xkichajij i okb'al man keje ile mijun winaq kel b'ik xaq mijun kok b'ik. Lik jun ij xkich'ij chuchajixik i okb'al re i tinimit. Are xok a'ab xe'uxlanik man xkich'ob'o chi k'a ksaqirik kkikamsaj.

Jueces 16:2 Referans Kwoze

1 Samuel 23:26

Che jun uxukut i jyub' enaq wi ma Saúl junam ku' uwinaq, xaq che jun chik uxukut i jyub' enaq wi ma David junam ku' uwinaq. Lik kkib'isoj kib'e man ke'anmaj chwach ma Saúl. Are ma Saúl xaq uwinaq kisutim chik rij ma David junam ku' uwinaq, lik ya kekichap te'eq,

Hechos 9:24

xwiri ire xretamaj. Chipa'ij chicha'ab' o jujun achiyab' koy-em xol uchija re i elb'al b'ik re i tinimit re kkikamsaj,

Hechos 23:15

Rumali, wo'or yix junam ku' i jub'an chik chi je are jutz'ob'aj unimaqil chi kki'at tzij pkitinimit aj Judío, chib'ij che i aj-ok'al utzam chke i achiyab' chi je yij che i ch'oj chi chweq chuk'ama li ma Pablo chiwach yix, chib'ij che chi kiwaj kixtak'i praqan we qas lik o umak. Man yoj kqayijb'a qib' chukamsaxik chuxe'el are k'amaja kuponik.

Mateo 27:1

Are xsaqirik, i kaj-atzil i rajpatan i Dios xaq i nimaq taq winaq ke aj Judío, xkijunamsaj kino'oj chuch'ob'ik wach ukamsaxik i Jesús kki'ano.

Mateo 21:38

Xwiri, are xkil i uk'ojol i rajaw ulew, xkib'ij chkiwach: “Are ire le are i rajaw ulew k-on panoq; chqakamsaj; xecha, man keje ile yoj kojkanaj chwach ulewi”; xecha.

1 Samuel 19:11

I ma Saúl juntir xuya i taqanik chke uwinaq, xub'ij chke: Jix chi rachoch ma David, chik'ak'alij, are ksaqir chukab' ij chikamsaj. Xwiri ati Mical xub'ij che rachijil chi ma David: We kat-anmaj ti che a'ab'i, saq laj tzij chweq at kamnaq chik.

Jueces 15:18

Chrijil chik ile a Sansón xpe jun nim laj uk'atik, rumali xub'ij che i Ajwal: “¿B'uchak chi xaya i nim laj ch'akanik chwe, xwiri wo'or kaya chwe chi kinkam rumal k'atik rumal ile kintzaq ni uri pki'ab' ajmak laj taq winaq?”

Lucas 21:20

Are kiwilo chi sutim chik rij i tinimit Jerusalén kumal i achiyab' chi je yij che i ch'oj, chiwetamaj uri chi juntir kwulijsax na.

Jueces 16:3

Xwiri a Sansón xa mer a'ab' xwar ru' ixoq, are i or ile xwalijik, are x-ek xub'oq b'i uchija re i tinimit puk'ijib'al, ni'pa i chapawnaq, uto'en ronojel ile xuk'aq b'i rij uqul; xuk'am b'i k'a tzam taq jyub' chi o chwach Hebrón.