Jueces 16:13 - Wuj Pa K'ubultzij

¹³ Are uri al Dalila xub'ij chik che a Sansón: —¡Lik k'a kattijin chint'orik! ¡Lik kamayij ti b'ari int'orik! ¡Chab'ij chwe wach ayut'ik kin-ano man kattiki ti chik chutorik awib'! Are uri a Sansón xub'ij che: —Are i ka'ano, rajwaxik ka'an wuqub' pach'um che inwi ru' jun k'ul chi o che i jitz'b'al k'ul, te'uri kach'ik jun estaka pulew puwi i k'ul chi apach'um ru' inwi; keje ile kqaj uri incho'ab' xaq kin-on ni uri pacha jun to' winaq. Are uri al Dalila xuwarsaj ma Sansón xaq xu'an wuqub' pach'um che uwi ru' jun k'ul chi o che i jitz'b'al k'ul.

Jueces 16:13 Referans Kwoze

Jueces 16:12

Are uri al Dalila xuk'am jub'an laso k'ak', xuyut'b'ej re a Sansón, te'uri xsik'inik: —¡Sansón, xe'e aj Filistea chawij! Xaq je ruwam tan chik jub'an achiyab' pa ja. Are uri a Sansón xuraqij i laso le pacha taq uraqixik chij xu'an che.

Jueces 16:14

Te'uri xuch'ik i estaka puwi i k'ul chi upach'um ru' uwi. Are uri xsik'in chub'ixkil: —¡Sansón, xe'e aj Filistea chawij! Xwiri a Sansón xwalijik, xub'oq b'i estaka chi ch'iktal pulew xaq i jitz'b'al k'ul.

Jueces 14:17

Xwiri ire lik xumayij ti o'ej chwach a Sansón che ronojel wuqub' ij chi xuch'ij i nima'ij, lik xu'an pen utz'onoxik che, rumali che uwuq ij xb'ix che wach usuk' ke'eloq. Are uri ixoq le x-ela pa'anem chub'ixkil chke i rachi'il putinimit.

Jueces 16:10

Are uri al Dalila xub'ij che a Sansón: ¡Yet xinat'oro! ¡Lik ax b'ari kinat'oro! Xwiri wo'or cha'ana utzil, chab'ij chwe wach nawi aximik chi kattiki ti chik chutorik awib'.