Jueces 15:15 - Wuj Pa K'ubultzij

¹⁵ Chrijil chik ile, i a Sansón xuk'am pan jun ukakate' axna chila chi k'amaja kchaqijik, ru' ile xeukamsaj lajujwinaq kamo' (1,000) aj Filistea.

Jueces 15:15 Referans Kwoze

JOSUÉ 23:10

Xa jun chiwe yix ktiki nu b'i chkoqtaxik lajujwinaq kamo' (1,000) winaq, man i Ajwal Dios are ire k-anaw ch'oj pik'exel yix, chrij pacha ub'im.

LEVÍTICO 26:8

Jo'ob' chiwe yix kkoqtaj nu b'i je jo'winaq winaq xaq jo'winaq chiwe yix kkoqtaj nu b'i i je jo'mo' juchiy (10,000) winaq, keje ile kixtiki ni chkikamsaxik i je ajch'oj chiwij ru' ch'ich'.

Jueces 3:31

Chrijil chik ma Aod le are ma Samgar chi uk'ojol ma Anat xok'aw utzam chke aj Israel; i ma Samgar le xeukamsaj lajujwinaq jumo' (600) achiyab' aj Filistea ru' jun che' chi o ch'ich' chutzam re ch'ayb'al i b'oyex. Keje kito'ik aj Israel ile xu'ano.

1 Samuel 14:14

Che i nab'e ch'oj le, i ma Jonatán xaq i tol re xekikamsaj kolo juwinaq achiyab' xa jub'i' neri xeb'in panoq.

1 Samuel 14:6

Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.

Jueces 7:16

Are uri xujach kiwach i jo'lajujwinaq (300) achiyab', xu'an oxib' tzob'aj chke, te'uri xujach rok'a' chij chke konojel xaq jujun ral taq xar chi o antorcha chupam.

Jueces 4:21

I ma Sísara lik kosnaq rumali xok li jun nim laj uwaram. Are uri ati Jael xuk'am jun ch'ayb'al xaq jun estaka chi koksax che i mujb'al; kok'il xaq lik kumatz rib' xtejeb' pan ru' ma Sísara. Are o chik ru', xuch'ap b'i estaka che ujolom, xqaj k'a chwach ulew xaq lik xch'api kan chila; keje ukamik uri ma Sísara ile.

Hebreos 11:34

O jujun xemin pa orno, xwiri xekam taj tupu nim ucho'ab' i a'; o jujun laj xekamsax ru' ch'ich' chi k'ulala o uware, xwiri i Dios xeuto chi xekamsax taj; o i nti kicho'ab', xwiri rumal ukub'ib'al kik'ux che i Dios lik xk'iji kicho'ab'; xaq o jujun, are xki'an ch'oj, xekich'ak i achiyab' chi je ajch'oj chkij.

Jueces 15:16

Are uri xub'ij a Sansón: Ru' ukakate' i axna xin-an keb' t'ub'aj chke achiyab', ru' ukakate' i axna xeinkamsaj lajujwinaq kamo' (1,000) achiyab'.

Jueces 15:17

Te'uri xuk'aq b'i ukakate' i axna, rumali i k'ijib'al le xkanaj pub'i Ramat-lehi.

LEVÍTICO 26:7

Yix kiwoqtaj nu b'i i je ajch'oj chiwij xaq kixtiki ni chkikamsaxik ru' ch'ich'.

2 Samuel 23:8

Iri are kib'i i achiyab' chi je yij che i ch'oj re ma David chi lik kkriq u'anik ch'oj: I nab'e are i ma Is-boset, chi aj Hacmón, ire are aj-atzil chke i je oxib' chi lik mas ko kiwach chu'anik ch'oj, o juyak xeukamsaj kamo' (800) achiyab' ru' uche' ch'ich' utzam.