Jueces 15:14 - Wuj Pa K'ubultzij

¹⁴ Are xeupon chila pa tinimit Lehi, are uri aj Filistea kesik'in rumal kikikotemal. Xwiri i utewal i Dios xuya ucho'ab' a Sansón, are uri xuraqij b'i i laso chi yut'b'em uteleb' xaq u'ab', i laso le pacha taq xa el laj taq chij.

Jueces 15:14 Referans Kwoze

Jueces 14:19

Chrijil chik ile, Utewal i Ajwal xqaj puwi a Sansón, are uri x-e pa tinimit Ascalón, chila xeukamsaj wi lajuj juwinaq (30) achiyab'; are je kamnaq chik xresaj li ki'u' chkij, xuya chke lajuj juwinaq (30) alab'om chi xkib'ij usuk' i nanik tzij che. Te'uri xpe jun nim laj roywal, x-e chi kachoch uqajaw uchuch.

Salmos 118:11

Lik k'ulala xkisutij wij; xwiri pub'i i Ajwal xinchup kiwach.

1 Samuel 17:35

are uri kinterej b'i chrij, kinmaj puchi', we kpe chwij yin kinchap che ukakate', kinxa' pulew k'a kinkamsaj na.

1 Samuel 11:6

Are xuta a Saúl ile, Utewal i Dios xqaj li puwi, are uri lik xpe jun nim laj roywal.

Jueces 14:6

Are uri utewal i Dios xuya ucho'ab' a Sansón, rumali i a Sansón le lik ru' u'ab' xu'an ch'aqa taq che i koj pacha u'anik ch'aqa taq che jun ral chab'at. Xwiri xulap ti chke uqajaw uchuch wach xuk'ulmaj.

Jueces 3:10

I Utewal i Ajwal xpe puwi ma Otoniel, are uri ire xnab'ej b'i chkiwach konojel i winaq aj Israel chu'anik ch'oj, xaq i Ajwal xu'ano chi xkiqajsaj u'ij i ajawinel ma Cusan-risataim, chi are ajawinel re i tinimit Siria.

Filipenses 4:3

Xaq kintz'onoj chawe yet, at wachalal chwach i Cristo (chi lik at wachi'il che inchak), cheato, man ike chekeb' ixoqib' lik xechakun wu' chupaxsaxik i utz laj tzij k'ak' re i Dios, junam ru' i ma Clemente, xaq i jub'an chik chi je qachi'il che i chaki. Konojel ike le tz'ib'tal chik kib'i chupam i wuj re i k'aslemal.

ZACARÍAS 4:6

Ire xub'ij chik: “Iri are utzijonik i Ajwal che i ma Zorobabel: Kumal ti jutzob'aj winaq chi je yij che i ch'oj, mitene che i cho'ab', iri lik rumal Intewal, kub'ij i Ajwal chi ronojel ktiki che.

Miqueas 7:8

Yet, tinimit, chi at ajch'oj chwij, matkikot che intzaqik puyej, tupu xintzaqik xwiri kinwalij chik; tupu usutim wij i equm, xwiri are i Ajwal intzunb'al.

Salmos 18:34

chi kinutijoj chu'anik i ch'oj, chi kuya incho'ab' chuk'aqik b'i k'aqb'al ch'ab' chi lik anch'ich'.

Job 20:5

I ukikotemal i utz ti laj winaq lik knajtin taj, lik juntir kk'isik.

1 Samuel 4:5

Xuk'ulmaj are xeupon chila ipa je o wi aj Israel, are uri lik ko xesik'in rumal kikikotemal, man xupon i kaxa re utrat i Ajwal, lik xyikyat ne ulew kumal.

Jueces 16:24

I winaq are xkil uwach a Sansón xkib'ixaj xaq xkikoj u'ij ki-dios ru' i b'ixi: I qa-dios xujach ma Sansón pqa'ab' chi ajch'oj chqij man ire xuk'at qatikon xaq xeukamsaj k'iyal qawinaq.

Jueces 16:12

Are uri al Dalila xuk'am jub'an laso k'ak', xuyut'b'ej re a Sansón, te'uri xsik'inik: —¡Sansón, xe'e aj Filistea chawij! Xaq je ruwam tan chik jub'an achiyab' pa ja. Are uri a Sansón xuraqij i laso le pacha taq uraqixik chij xu'an che.

Jueces 16:9

I al Dalila le je ruwam chik jub'an achiyab' pa ja, are uri xsik'in chub'ixkil i tziji: ¡Sansón, xe'e aj Filistea chawij! Are uri a Sansón xuraqij i raxk'am pacha taq chij el xu'an che. I aj Filistea xketamaj taj ipa kpe wi ucho'ab'.

Jueces 5:30

“Ile moqxa ketijin chujachik chkiwach ronojel ni'pa i xetiki chumajik pa ch'oj. Moqxa jun ajke'el, o moqxa keb' kel chkiwach ajch'oj. I ma Sísara re ire i k'ul chi lik k'i utzunb'al, moqxa jun o moqxa keb', chi lik k'iyal taq utzunb'al i t'is kojtal che re retz'b'alil uqul i ch'akanel.”

ÉXODO 14:5

Are xya' utzijol che ma faraón chi ajawinel re Egipto, chi xe'anmaj b'i aj Israel, are uri i ajawinel le xaq i je rajpatanib' xkijalwachij kinojb'al, xkib'ij: “¡Wach taq xqa'ano, b'uchak xqaya b'i chke aj Israel chi xe'ek xaq xko'taj kan kichak!” Xecha.

ÉXODO 14:3

Man kuch'ob' taq ma faraón chi aj Israel kkiriq taj ipa ke'el wi, je sachnaq pa tz'inilik jyub' chaqij.

Jueces 15:13

Are uri ike xkib'ij che: —Saq laj tzij katqakamsaj taj, xwi kqaj katqachapo xaq katqajach pki'ab' aj Filistea. Are uri i aj Judá xkixim ru' keb' laso k'ak', te'uri xkesaj li ipa ruwam wi rib'.

Jueces 15:9

Are uri xe'el b'i aj Filistea, xe'uxlan pa Judá xaq xkikichersaj b'i kib', xupon kichi' k'a Lehi.

1 Samuel 10:6

Are uri i utewal i Ajwal kqaj ni pawi, xaq yet che i ij le kajeq ni ub'ixkil utzij i Dios pacha kki'an ike xaq kat-on ni jun achi chi lik junwi.

1 Samuel 10:10

Chrijil chik ile, are xeupon a Saúl junam ru' umokom chila pa tinimit Gabaa, xek'ulax kumal jutzob'aj profeta chi pacha taq sachnaq kinojb'al. Are uri ma Saúl xchap rumal Utewal i Dios, xaq xujeq u'anik ire pacha kki'an i jub'an profeta chi pacha taq sachnaq kinojb'al.