Jueces 15:11 - Wuj Pa K'ubultzij

¹¹ I aj Judá are xkita ile, xkitaq b'i lajujwinaq wuqmo' (3,000) achiyab' chutzukuxik a Sansón pa pek chi o chila pa nimaq taq ab'aj che i k'ijib'al Etam, are xeuponik, xkib'ij che: —¿Xatab'a aweta'am taj chi aj Filistea lik o kicho'ab' chqawach yoj? ¿B'uchak chi xojamin chupam i ch'oji? Are uri a Sansón xub'ij chke: —Pacha xki'an ike chwe yin xaq keje ile xin-an yin chke.

Jueces 15:11 Referans Kwoze

Jueces 14:4

Xwiri uqajaw uchuch a Sansón keta'am taj chi ronojel ile are i Ajwal yijb'awnaq, man ktijin chutzukuxik wach u'anik ch'oj ku'an chkij aj Filistea. Man che taq i ij le are aj Filistea je o pkiwi aj Israel.

Jueces 13:1

Xwiri i aj Israel xki'an chik i utz taj chwach i Ajwal, rumali i Ajwal le xeujach kawinaq (40) junab' pki'ab' aj Filistea.

Deuteronomio 28:13

I Ajwal katuya ni chunab'eyal, pa k'isb'al re taj; lik arewi at o pkiwi i jub'an chik winaq, lik chkixe' taj, xwiri we ka'ano xaq we katkojon che utzij upixab' Awajwal Dios chi xinya chawe wo'or.

LEVÍTICO 26:25

Yin kin-an ni chke i je ajch'oj chiwij chi kixkikamsaj ni ru' ch'ich' rumal xiqel intrat. Are uri yix kix-anmaj b'i pitinimit chuto'ik iwib', are uri Yin kinya na li jun yob'il piwi man keje ile kixtzaq ni pki'ab' i je ajch'oj chiwij.

Deuteronomio 28:43

I winaq aj naj chi je o patinimit, ike ij ij mas o kicho'ab', xwiri yet ij ij xa kk'is acho'ab'.

Jueces 15:10

Are uri konojel i winaq aj Judá xkitz'onoj chke aj Filistea: —¿B'uchak xixk'un chu'anik ch'oj qu' yoj? I aj Filistea xkib'ij: —Yoj xojk'un chutzukuxik xaq chuchapik a Sansón man kutoj ronojel ni'pa i x-on chqe.

Jueces 15:12

Are uri aj Judá xkib'ij che: —Yoj xojk'un chachapik man katqajach pki'ab' aj Filistea. Are uri a Sansón xub'ij chke: —Lik chib'ij pub'i i Ajwal we kinikamsaj ti yix.

PRIMER LIBRO DE CR%D3NICAS 4:3

I je rak'al ma Etam je are iri: Ma Jezreel, ma Isma, ma Idbas xaq ati Haze-lelponi chi kanab' ike. I jub'an chik rak'al ma Etam je are iri: Ma Penuel chi are uqajaw ma Gedor xaq ma Ezer chi uqajaw ma Husa. Konojel ike le are umuq uxikin ma Hur chi are nab'e uk'ojol ma Efrata, chi ratit umam ma Belén.