Jueces 14:15 - Wuj Pa K'ubultzij

¹⁵ Are uri che ukaj ij xkib'ij che i rixoqil a Sansón: —Chab'isoj relsaxik usuk' i nanik tzij che awachijil, man we ka'an taj kqanak' a' chawe yet xaq chke kalk'uwal aqajaw achuch; ¡Yix xojisik'ij pa nima'ij xa rumal kiwaj kimaj ub'itaq qe chqe!

Jueces 14:15 Referans Kwoze

Jueces 16:5

I aj-atzil ke aj Filistea xe'e chrilik al Dalila xaq xkib'ij che: —Chat'oro a Sansón xaq chatz'onoj che ipa kpe wi i nim laj ucho'ab' le chi lik b'isb'al xaq wach qatikilem che, man kqachapo xaq kqayut'u, man keje ile pqa'ab' yoj kk'iji wi. Yoj chqajujunalil kqaya jo'lajujwinaq kamo' (1,100) saqpwaq chawe tojb'al awe.

Jueces 15:6

Are uri konojel aj Filistea xe'ok chuch'ob'ik raqan pachin x-anaw i k'atanik le. Are xketamaj chi are a Sansón x-anawik, anb'al uk'exel i utz taj chi x-ani che ire rumal i uqajaw i ali, chi xuya b'i umi'al che jun chik ala. Are uri konojel aj Filistea xe'e chunak'ik a' che i ali xaq che uqajaw.

Miqueas 7:5

Makoj taq utzij alok'anij; i lik makub'a ak'ux che jun awamiy xaq chana awib' che taq i tzij are katlapan ru' awixoqil.

Proverbios 6:26

Man ixoq chi chwach uch'akul kuch'ak wi umer, ku'an ile xa rumal ch'akb'al ch'aqap uwa, xwiri ixoq chi kumin rib' ru' jun chik achi xa are kraj utzaqsaxik.

Proverbios 5:3

Man jun utz ti laj ixoq lik chom kch'awik, xaq i uch'awb'al lik pilil pacha i aceite.

Proverbios 1:11

We kkib'ij taq chawe: “Chatpet qu' yoj, man kqakoj jun tzaqsab'al ke i winaq chi nti kimak man keje ile are keik'awik, ketzaq chupam xaq kekam na.

Jueces 12:1

I achiyab' chi je utzob'ajil ma Efraín xkimol kib' xaq xki'axuj i raqana Jordán pusuk' i tinimit Zafón, xkib'ij che ma Jefté: —¿B'uchak chi xab'ij ti chqe, koj-e awu' are xat-e chu'anik ch'oj ku' aj Amón? ¡Wo'or katqamin chupam awachoch, te'uri kqanak' a' che, keje ile katk'at b'i yet ru'!

Jueces 14:14

Are uri a Sansón xub'ij i nanik tzij chke: “I jun chi ktijan te'eq xel i ti'b'alil che; i jun chi lik o te'eq ucho'ab' xel i kab' che.” Xik'aw oxib' ij i alab'om le lik je tikinaq ti churiqik usuk' i nanik tzij.