Jueces 13:25 - Wuj Pa K'ubultzij

²⁵ Xuk'ulmaj jun ij i a Sansón le are o chila che i k'ijib'al ipa je o wi utzob'ajil ma Dan, chi o chuxol i Zora xaq i Estaol, are uri utewal i Ajwal xutikb'a uk'utik rib' puk'aslemal a Sansón.

Jueces 13:25 Referans Kwoze

Jueces 3:10

I Utewal i Ajwal xpe puwi ma Otoniel, are uri ire xnab'ej b'i chkiwach konojel i winaq aj Israel chu'anik ch'oj, xaq i Ajwal xu'ano chi xkiqajsaj u'ij i ajawinel ma Cusan-risataim, chi are ajawinel re i tinimit Siria.

JOSUÉ 15:33

I tinimit chi je o chwa ta'aj: je are xya' ke iri, Estaol Zora, Asena,

Juan 3:34

I jun chi taqtal li rumal i Dios, kub'ij i tzij chi re i Dios, man i Dios lik k'i utewal kuya che,

Mateo 4:1

Are x-on ile, i Jesús xk'am b'i rumal Lo'laj Utewal i Dios che jun tz'inilik jyub' chaqij. Xk'am b'i chila, ilb'al re we ktzaqsax chupam i mak atzalal rumal Itzel.

1 Samuel 11:6

Are xuta a Saúl ile, Utewal i Dios xqaj li puwi, are uri lik xpe jun nim laj roywal.

Jueces 11:29

Are uri utewal i Ajwal xqaj li puwi ma Jefté, are uri ma Jefté le xb'in chupam ronojel ulew Galaad xaq i Manasés, xik'aw chupam ulew Mizpa chi o chila Galaad, majb'al kan re kulew aj Amón.

Jueces 6:34

Xwiri utewal i Ajwal xrajawin puwi ma Gedeón, are uri ire le xuxut'ij jun rok'a' chij sik'b'al ke i ralk'uwal ma Abiezer,

Jueces 14:1

Xuk'ulmaj jun ij chi a Sansón x-e pa tinimit Timnat, chila xril wi uwach jun ali aj Filistea chi lik x-e uk'ux che.

Jueces 14:19

Chrijil chik ile, Utewal i Ajwal xqaj puwi a Sansón, are uri x-e pa tinimit Ascalón, chila xeukamsaj wi lajuj juwinaq (30) achiyab'; are je kamnaq chik xresaj li ki'u' chkij, xuya chke lajuj juwinaq (30) alab'om chi xkib'ij usuk' i nanik tzij che. Te'uri xpe jun nim laj roywal, x-e chi kachoch uqajaw uchuch.

Jueces 18:2

Rumali i utzob'ajil ma Dan xekitaq b'i jo'ob' achiyab' chi lik ko kiwach, kelik che i tinimit Zora xaq che i Estaol. Ike xa je ajtaqenel chwach ronojel i k'ijib'al chila. I jo'ob' ajtaqenel le xe'e chwi taq jyub' chi ke utzob'ajil ma Efraín, are uri xeupon chi rachoch ma Micaía chila xewar wi kanoq.

JOSUÉ 19:41

Chupam i kulew le o i tinimiti: Zora, Estaol, Ir-semes,

Jueces 16:31

Chrijil chik ile, xek'un konojel i ratz ucha' xaq konojel i rachalal a Sansón, xkik'am b'i uch'akul, xkimuq chila chuxol i keb' tinimit: Zora xaq i Estaol, chila pa jul ipa muqtal wi ma Manoa chi uqajaw. A Sansón juwinaq junab' xk'iji pa kaj-atzil aj Israel.