Jueces 11:20 - Wuj Pa K'ubultzij

²⁰ Xwiri ma Sehón xukoj taj we utz qak'ux, rumali xuya ti chqe chi xojik'aw chupam rulew, xa ne xumol kichi' konojel uwinaq chi je yij che i ch'oj, xe'e pa Jahaza, chila xepe wi chqij chu'anik ch'oj.

Jueces 11:20 Referans Kwoze

NEHEMÍAS 9:22

Xaya ki'ajawinik i nimaq taq tinimit pki'ab', xajach kulew pa taq setaj, xaq ike xkimaj kan i ulew Hesbón, chi utinimit i ajawinel ma Sehón, xaq i Basán chi utinimit i ajawinel ma Og.

Jueces 11:19

Are uri xqataq b'i jub'an ajb'il tzij che ma Sehón, chi ajawinel ke aj Hamor, chi je o chila pa tinimit Hesbón, xqatz'onoj che chi kuya chqe kojik'aw chupam rulew man lik suk'ulik chqe yoj re kojupon chwach qulew.

Jueces 11:21

Xwiri i Ajwal, chi ki-Dios aj Israel, xuya i ch'akanik chqe, man xujach ma Sehón pqa'ab' xaq konojel uwinaq chi je yij che i ch'oj, xaq xqa'an kan qe che ronojel kulew aj Hamor chi je o che i k'ijib'al le.