Jueces 1:4 - Wuj Pa K'ubultzij

^4-5 I Ajwal xeujach aj Canaán xaq aj Ferez pki'ab' utzob'ajil ma Judá are xki'an ch'oj chila pa Bezec, xkikamsaj jo'mo' juchiy (10,000) achiyab', xkiriq ma Adoni-bezec chila pa Bezec, xki'an ch'oj ru' ire i xki'an k'ax chke aj Canaán xaq aj Ferez.

Jueces 1:4 Referans Kwoze

1 Samuel 11:8

I a Saúl are xerajlaj uwinaq chila pa Bezec je o lajujmo' wuqlajujchiy jut'ub' (300,000) achiyab' chi je yij che i ch'oj aj Israel xaq jo'lajujmo' oxchiy (30,000) aj Judá.

1 Reyes 22:15

Te'uri x-e chwach i ajawinel, are uri i ajawinel le xutz'onoj che: —Ma Micaías, ¿Kmajaw nawi chi kqa'an ch'oj ku' i tinimit Ramot chi ukwenta ulew Galaad o kmajaw taj? Are uri ma Micaías xub'ij che: —Cha'ana ch'oj ku' man keach'ak na, man i Ajwal keujach ni pa'ab'.

1 Reyes 22:6

Are uri i ajawinel ke aj Israel xeumol konojel i profeta chi kolo je jumo' (400), xutz'onoj chke: —¿Kin-e nawi chu'anik ch'oj chrij i tinimit Ramot chi ukwenta i ulew Galaad o kin-e taj? Ike xkib'ij: —Jat, man i Ajwal keujach ni pa'ab'.

1 Samuel 14:10

Xwiri we kkib'ij chqe chi kojel b'i ku', lik kojel b'i uri, man ile are k'utb'al re chi kuya i Ajwal chqe chi kojch'akanik; xcha.

1 Samuel 14:6

Are uri ma Jonatán xub'ij che i tol re: —Jo ch'aqap, chila ipa o wi kik'ijib'al i winaq chi kkikoj ki'ij i jalajuj taq tiox. Moqxa i Ajwal Dios kojuto man nti jun b'iroxik chi ktiki ti ire che, ire kojuto che i ch'akanik ru' uk'iyal winaq xaq we xa keb' oxib' winaq.

Deuteronomio 9:3

Wo'or lik rajwaxik chi kiwetamaj chi are i Ajwal Dios knab'ej nu b'i chiwach pacha a' chi kk'atanik, lik chiwach yix keuporoj b'i konojel i nimaq taq tinimit le xaq kuqajsaj ki'ij. Are uri yix lik k'ax ti kelsaxik ki'an b'i chke xaq k'ax ti uchupik kiwach ki'ano, pacha jun mutz'aj b'a'wachij, chrij pacha ub'im i Ajwal chiwe.

Deuteronomio 7:2

I Ajwal are ujachom chik i wuqub' tinimit le pi'ab', xaq are ix tikinaq chik yix chuqajsaxik ki'ij ru' ch'oj, lik rajwaxik kisach kiwach konojel xaq mi'an jun trat ku' xaq mitene kiwil taq tob'al kiwach.

Jueces 1:3

Are uri i je utzob'ajil ma Judá xkib'ij chke i katz kicha' chi je are utzob'ajil ma Simeón, chi kkijunamsaj kicho'ab' chuk'amik kan ulew chi kya' chke ike chi je utzob'ajil ma Judá, te'uri junam tan chik kkik'am kan ulew chi kya' chke utzob'ajil ma Simeón. I je utzob'ajil ma Simeón le utz xkita wach xb'ix chke, rumali xkiya kiwach ku' utzob'ajil ma Judá.

Salmos 44:2

lik ru' a'ab' xeawesaj b'i i winaq chi kkikoj ti a'ij, xaya utojb'alil chke i nimaq taq tinimit, xaq chila pkik'ijib'al ike le xeaya wi i qaqajaw qachuch.

Salmos 78:55

Xeresaj i winaq chi kkikoj ti u'ij i Dios chkiwach aj Israel; xujach ulew chke pa taq kitzob'ajil xaq xu'an chke chi kejeqi pa taq kik'ijib'al kan i winaq.

Jueces 3:5

Keje ile i aj Israel xkijeq jeqelem chkixol aj Canaán, chkixol aj Het, chkixol aj Hamor, chkixol aj Ferez, chkixol aj Jiw xaq chkixol aj Jebús.

Jueces 11:32

Ma Jefté xu'an ch'oj ku' aj Amón, i Ajwal xu'an che chi xch'akanik, rumali xumaj kan kulew chke.