Jueces 1:34 - Wuj Pa K'ubultzij

³⁴ I winaq chi aj Hamor xkik'ulaj ti utzob'ajil ma Dan ku', xekitaq b'i chwi taq jyub', lik xkiya ti chke chi keqaj li chwa ta'aj.

Jueces 1:34 Referans Kwoze

JOSUÉ 19:47

Xwiri i kalk'uwal utzob'ajil ma Dan xe'ok ti chwach ulew le chi xya' chke, rumali xe'e pa Lesem, xekikamsaj ru' ch'ich' konojel ni'pa i je o chila, te'uri xki'an ke che ulew, xaq lik xejeqi chwach; i ulew Lesem le xkiya pub'i Dan, man kuxtab'al kan re i katit kimam chi ma Dan ub'i.

Jueces 18:1

Che taq i ij le nti jun ajawinel pa Israel. I utzob'ajil ma Dan xaq k'amaja o kulew rumali k'a ketijin chutzukuxik jun k'ijib'al ipa kek'iji wi.

Jueces 1:33

I utzob'ajil ma Neftalí xaq xetiki tu b'i chkelsaxik aj Canaán chi je jeqel chila pa tinimit Bet-semes xaq pa tinimit Bet-anat, rumali xejeqi chila chkixol, xwiri xkiya i k'ax laj taq chak chke.

Jueces 1:35

Rumali i aj Hamor lik xe'el ti chila pa tinimit Heres, pa Ajalón xaq i tinimit Saalbim. Xwiri i je rak'al ma José are xek'iyarik xaq lik xpe kicho'ab', xekitaq i aj Hamor chu'anik k'ax laj taq chak.