Jueces 1:20 - Wuj Pa K'ubultzij

²⁰ Ma Caleb xya' kan i Hebrón che chrij pacha xb'ix che rumal ma Moisés xaq xeresaj b'i oxib' uk'ojol ma Anac.

Jueces 1:20 Referans Kwoze

Jueces 1:10

Xaq i jub'an chik aj Canaán chi je jeqel chila pa tinimit Hebrón, chi Quiriat-arba te'eq ub'i, xaq xkikamsaj ma Sesai, ma Ahimán xaq ma Talmai.

Deuteronomio 1:36

Xwi ma Caleb, chi uk'ojol ma Jefone, kinya ni che chi kril uwach i ulew le. Xwi ire xaq i umuq uxikin kinya chke chi kkitak' b'a kaqan chwach ulew le, man ire lik xkojon chwe ru' ronojel uk'ux.”

NÚMEROS 14:24

Xwi wajchak chi ma Caleb junwi uk'ux chkiwach i jub'an xaq lik kojonnaq chwe. Rumali xwi ire kinya che kok chila chwach ulew chi xupon chrilik xaq i je umuq uxikin kejeqi ni chila chwach ulew le

NÚMEROS 13:22

Xe'ok b'i pa Neguev, xeupon k'a pa Hebrón. Chila je jeqel wi ma Ahimán, ma Sesai xaq ma Talmai, chi je umuq uxikin ma Anac. I tinimit Hebrón wuqub' junab' uyakik chuxe'el i tinimit Zoán chi o chila pa Egipto.

JOSUÉ 10:36

Te'uri ma Josué xaq konojel i je aj Israel kelik chila Eglón xe'e chik pa tinimit Hebrón chu'anik ch'oj chkij i je aj chila.

JOSUÉ 11:21

Xaq che taq i ij le x-e ma Josué junam ku' i je aj Israel chkikamsaxik i je aj Anab chi je o che i jyub' Hebrón, xaq i je o che i jyub' Debir, xaq i je o che i jyub' Anab xaq i je o tzam taq jyub' Israel xaq tzam taq jyub' Judá, ma Josué xaq i je aj Israel xkichup kiwach konojel winaq xaq i kitinimit.

JOSUÉ 14:15

Ub'i te'eq i Hebrón le ujer, Quiriat-arba kecha che, man i Arba le ub'i jun nim laj achi chkixol i je aj Anac. Are rutzinik uri ronojel i ch'oj chila chwach i ulew le.