JOSUÉ 9:11 - Wuj Pa K'ubultzij

¹¹ Rumali i winaq re i tinimit junam ku' i qaj-atzil xkib'ij chqe chi kqayijb'a qib' che i petik xaq kqab'ij i tziji chiwe: “Kqaj kqaya qib' pi'ab' chu'anik wach i kojitaq che; chqa'ana jun trat iwu'.”

JOSUÉ 9:11 Referans Kwoze

Ester 8:17

Pa jalajuj taq tinimit xaq pa taq komon ipa kya' retamaxik i taqanik re i ajawinel, konojel aj Israel lik xekikotik xaq lik utz xkilo, rumali chi xki'an nima'ij xaq xkiyijb'a jalajuj taq ti'b'alil re kkitijo. Xwi ta la ile, lik je k'i i winaq pa tinimit chi je aj Israel taj xkiya kiwach ku', man lik kkixij kib' chke.

JOSUÉ 9:8

Ike xkib'ij che ma Josué: —Yoj kqaya qib' pi'ab', oj iwajchak. Are uri ma Josué xutz'onoj chke: ¿Ix pachin yix xaq ipa kixpe wi?

Lucas 9:3

Xub'ij chke: —Are kix-ek lik nti kik'am b'ik re ib'e, mitene ich'amiy, xaq mitene i teb', mitene iwa, mitene pwaq, xaq mitene i'u' re kijalo.

JOSUÉ 1:11

“Jix chila ipa je o wi i winaq wo'or, chib'ij chke chi chkiyijb'a kiwa man pa oxib' ij panoq kqa'axuj i ya Jordán, man keje ile kojjeqi ni chwach ulew chi kuya i Qajwal Dios chqe. Keje ile xub'ij chke i kaj-atzil aj Israel.”

GÉNESIS 43:12

Chik'ama chub'i i mer chi xtzalijsax li chiwe chupam ikoxtal; xaq chiya chub'i jub'an chik puwi pacha xtzalix li chiwe man ile lik xa xesach che.

JOSUÉ 9:10

Xaq ronojel ni'pa xu'an chke i je keb' ajawinelab' ke i je aj Hamor, chi je o ch'aqa ya Jordán, ma Sehón ajawinel re i tinimit Hesbón, xaq i ma Og ajawinel re i tinimit Basán, chi o pa Astarot.

JOSUÉ 9:12

Are xojpe chitzukuxik yix, i qawa lik lub'ub' xaq lik mi'in; xwiri wo'or, chiwila pe', lik ko chik, xaq lik o chik pus che.

2 Reyes 10:5

Are uri i ajchak chi o pa nim laj rachoch i ajawinel, i aj-ok'al utzam i jalajuj taq tinimit, rijab' re i jutzob'aj xaq ni'pa i je ajchajinel ke i rak'al; xkitaq ub'ixkil che ma Jehú: “Yoj kqa'an na wach i kab'ij chqe, man lik oj awajchak, xwiri mijun kqaya kan pa ajawinel. Cha'ana pacha kawaj yet.”