JOSUÉ 9:10 - Wuj Pa K'ubultzij

¹⁰ Xaq ronojel ni'pa xu'an chke i je keb' ajawinelab' ke i je aj Hamor, chi je o ch'aqa ya Jordán, ma Sehón ajawinel re i tinimit Hesbón, xaq i ma Og ajawinel re i tinimit Basán, chi o pa Astarot.

JOSUÉ 9:10 Referans Kwoze

JOSUÉ 12:4

I ajawinel ma Og, chi ajawinel ke i je aj Basán, ire are jun chke i je aj Refa chi xek'asi kanoq, chi xaq je jeqel chila pa Astarot xaq pa Edrei.

Deuteronomio 2:30

Xwiri i ajawinel chi ma Sehón xuya taj chi kojik'aw chupam rulew man i Ajwal chi i Dios yix xu'an ko che uk'ux xaq xu'an b'uy che, man kuya ni pi'ab' yix k'a pacha u'anom wo'or.

PRIMER LIBRO DE CR%D3NICAS 6:71

Chke umuq uxikin ma Gersón chrij kik'iyal i kalk'uwal, xya' i tinimit Golán chke chi o chupam ulew Basán xaq i tinimit Astarot chi ke te'eq nik'aj utzob'ajil ma Manasés, i keb' tinimit le o kiwayb'al chikop chwach.

GÉNESIS 14:5

Are uri che i junab' kajlajuj, ma Quedorlaomer xaq i jub'an chik ajawinel chi kiya'om kiwach ru', xe'e chu'anik ch'oj chkij i jalajuj taq tinimiti: Aj Refa k'a pa Astarot Karnaim xetiki wi chke, te'uri xaq xetiki chke aj Zuz pa Ham, aj Em k'a pa Save Quiriataim xetiki wi chke,

NÚMEROS 20:14

Chila Cades i ma Moisés xeutaq b'i jub'an winaq chub'ixkil che i ajawinel re i tinimit Edom: “Iri are kkib'ij awatz acha' aj Israel: Yet aweta'am ni'pa i jalajuj taq k'ax chi oj ik'awnaq chupam.

JOSUÉ 2:9

—Weta'am chi Ajwal uya'om ulewi chiwe, man Ire u'anom chqe chi kqaxij qib' chiwe yix, konojel i winaq re i tinimit lik to' ketzaq chik pulew rumal kixib'rikil.

JOSUÉ 9:9

Ike xkib'ij: —Yoj chi oj iwajchak, oj petnaq che jun tinimit chi lik k'a naj, rumal ub'i Iwajwal Dios, man qatom ronojel wach u'anom pa Egipto,

JOSUÉ 9:11

Rumali i winaq re i tinimit junam ku' i qaj-atzil xkib'ij chqe chi kqayijb'a qib' che i petik xaq kqab'ij i tziji chiwe: “Kqaj kqaya qib' pi'ab' chu'anik wach i kojitaq che; chqa'ana jun trat iwu'.”

JOSUÉ 13:31

Xaq nik'aj che ulew Galaad, Astarot xaq i Edrei, chi ipa ku'at wi te'eq tzij ma Og, ile are xya' chke nik'aj je umuq uxikin ma Maquir chi rak'al ma Manasés, chrij pacha kik'iyal i kalk'uwal.

JOSUÉ 2:10

Man qatom chi Ajwal xuchaqijsaj i ya re i Mar Kaq re iwik'awb'al are xixel li pa Egipto, qatom wach uchupik kiwach i keb' ajawinelab' aj Hamor xi'ano, chi ma Sehón xaq i ma Og chi je o chila prelb'al ij che uchi' i raqana Jordán.