JOSUÉ 8:8 - Wuj Pa K'ubultzij

⁸ Are ix oknaq chub'ik, chinak'a a' che i tinimit le, pacha xojutaq i Dios chu'anik. Are intaqanik ile chiwe”; xub'ij ma Josué.

JOSUÉ 8:8 Referans Kwoze

2 Samuel 13:28

xaq ub'im chik chke rajchak: “Are kiwilo chi lik oknaq li ab'arik che a Amnón rumal k'i chik uwa'al uva muqb'am utu'um xaq are kinb'ij yin chiwe chi kikamsaj, su' chikamsaj. Lik mixij iwib' chukamsaxik, man i taqanik le lik yin xinyawik, rumali chi lik chikowij ik'ux.”

JOSUÉ 1:16

Ike xkila' uwach che ma Josué, xkib'ij: —Yoj kqa'an ni ronojel ni'pa i xojataq che xaq xaipa kojataq wi b'ik, koj-e na.

JOSUÉ 1:9

Inb'im ti b'ari chawe chi chakowij ak'ux xaq lik chakowij awach. Maxij awib' xaq mb'a'krij ak'ux man Yin chi in Awajwal Dios in o awu' xaipa kat-e wi; keje ile xub'ij i Ajwal che ma Josué.

Jueces 4:6

Xuk'ulmaj jun ij ati Débora xutaq usik'ixik jun achi chi ma Barac, chi uk'ojol ma Abinoam, chi jeqel chila pa Cedes, chi are jun tinimit ke utzob'ajil ma Neftalí xub'ij che: —I Ajwal, chi ki-Dios aj Israel, kub'ij iri chawe: “Jat chila puwi i jyub' Tabor, chamolo kichi' jo'mo' juchiy (10,000) achiyab' re kitzob'ajil ma Neftalí xaq ma Zabulón.

JOSUÉ 8:28

I ma Josué xuporoj i tinimit Hai, is xumulb'a ronojel, chi k'a mulan chila wo'or.

JOSUÉ 6:24

Te'uri i aj Israel xkinak' a' che i tinimit le, xaq xkinak' che ronojel ni'pa o chupam, xwi i an-o'oj, saq-o'oj, anch'ich', xaq i ch'ich' xkinak' ti a' che, ronojel ile xya' ru' ub'itaq re i Ajwal prachoch.

Deuteronomio 20:16

Xwiri mijun winaq kik'asb'a kan chila pa taq tinimit chi kuya Iwajwal Dios chiwe chi lik iwe yix na;

JOSUÉ 8:2

Ki'an ni chke i winaq re i tinimit le xaq che i kajawinel pacha xi'an chke i je aj Jericó xaq che i kajawinel; xwiri wo'or ni'pa i ub'itaq ke kkanaj ni pi'ab' yix xaq konojel ni'pa i kichikop. Chayijb'a jun ch'oj xani'al, jix chiwuwaj iwib' chrij i tinimit.”

JOSUÉ 8:7

Are uri yix, kixel li chila ipa iwuwam wi iwib', kixok b'i pa tinimit; man i Dios ku'an ni chqe chi kojch'akanik.

JOSUÉ 8:9

Are xeupon i achiyab' chi je yij che i ch'oj chila ipa xetaq wi b'i rumal ma Josué, ike xkuwaj kib' chila chuxol i tinimit Betel ru' i tinimit Hai, pusuk' uqajb'al ij che i tinimit Hai le, i ma Josué xkanaj kan ku' uwinaq che a'ab' le chila ipa xuya wi i taqanik.

JOSUÉ 8:22

Xaq i achiyab' chi je yij che i ch'oj chi kuwam te'eq kib' chrij i tinimit, xeterej b'i chu'anik ch'oj chkij i je aj Hai, i je aj Hai le xech'api chkixol i je aj Israel, rumali xkiriq ti chik ipa xe'el wi. I je aj Israel xkichup kiwach konojel i je aj Hai, lik mijun xtotajik.

JOSUÉ 8:13

Keje x-on ile, jutzob'aj achiyab' chi je yij che i ch'oj xek'iji pa moxab' che i tinimit xaq jutzob'aj chik xek'iji pusuk' i uqajb'al ij. Che a'ab' le xmalkat pan ma Josué chwa ta'aj.