JOSUÉ 8:6 - Wuj Pa K'ubultzij

⁶ Ike keterej na li uri chqij, man kkib'ij: Ile ke'anmaj tan chik chqawach pacha xki'an nab'emul; yoj lik koj-anmaj ni chkiwach.

JOSUÉ 8:6 Referans Kwoze

ECLESIASTÉS 9:12

Xwi ta la ile, mijun reta'am junpa kuriqa u'ij: Keje pacha i kar chi ktzaq chupam i atraya, xaq pacha i tz'ikin chi ktzaq chupam i chapb'al ke, xaq keje kuk'ulmaj i winaq ile, are lik nti kuch'ob' che are uri kuriq uk'axk'olil.

ECLESIASTÉS 8:11

man we juntir taj kya' utojb'alil i mak atzalal, are k-anawik chi i winaq xwi kuch'ob' u'anik i mak atzalal le.

Jueces 20:32

I utzob'ajil ma Benjamín xkich'ob' ike chi aj Israel ke'anmaj chik chkiwach xaq xkich'ob'o chi kekikamsaj chik pacha xki'an chke nab'e. Xwiri, aj Israel xki'an che kib' chi ke'anmajik man keje ile keterej b'i ajch'oj chkij pa taq b'e.

ÉXODO 15:9

I ajch'oj xub'ij: Kinterej b'i chkij k'a keinriqa na. Lik kinkikot na xaq kinjach ni ronojel i xinmaj chke man lik kwesaj woywal chke, ru' i ch'ich' chi k'ulala o uware keinkamsaj ni konojel; xcha.

ÉXODO 14:3

Man kuch'ob' taq ma faraón chi aj Israel kkiriq taj ipa ke'el wi, je sachnaq pa tz'inilik jyub' chaqij.

JOSUÉ 8:5

Yin ku' inwinaq kojtejeb' pan jub'i' chwach i tinimit, are kepe i je ajch'oj le chqij pacha xki'an chqe nab'emul, yoj koj-anmaj ni chkiwach.

JOSUÉ 8:7

Are uri yix, kixel li chila ipa iwuwam wi iwib', kixok b'i pa tinimit; man i Dios ku'an ni chqe chi kojch'akanik.