JOSUÉ 8:35 - Wuj Pa K'ubultzij

³⁵ I ma Josué xrajlaj uwach i wuj chi utz'ib'am kan etz ma Moisés, lik ronojel xrajlaj uwach chkiwach konojel i je aj Israel ixoqib' ak'alab' xaq i je aj Israel taj chi je enaq ku'.

JOSUÉ 8:35 Referans Kwoze

Deuteronomio 31:12

Konojel i winaq, achiyab', ixoqib', ak'alab' xaq aj naj chi je o pitinimit, rajwaxik chi iwonojel kimol iwib' man kita rajlaxik u'atb'al tzij i Dios man kixnaw ni chuya'ik u'ij xaq keje ile kixkojon na xaq ki'an na chrij pacha kub'ij i atb'al tzij le.

NEHEMÍAS 8:2

Che i nab'e ij re uwuq ik', i ma Esdras, chi ajsujul sipon, xuk'am li wuj re atb'al tzij chkiwach konojel i winaq, chi kimolom kib', chi achiyab', chi ixoqib', xaq lik konojel ni'pa kkita chik ub'e.

JEREMÍAS 26:2

xub'ij che: “Chattak'al chwaja re i wachoch, ronojel ni'pa xatintaq chub'ixkil, chab'ij chke i winaq chi kek'un che i tinimit Judá chukojik u'ij i Dios prachoch. Lik maya kan jun tzij, ronojel chab'ij.

Hechos 21:5

Xwiri, are xik'aw wuqub' ij, xojel b'i chila. Konojel achiyab' ixoqib' xaq i ak'alab' xojkachi'ilaj b'i k'a tzam ja re i tinimit; are xojupon chuchi' i mar xojxuki che i lapanik ru' i Dios.

Marcos 10:14

I Jesús are xril ile, lik xpe roywal, rumali xub'ij chke: —Chiya chke i ak'alab' chi kepe wu', mei'atij; man ike le o ke che i ajawinik re i Dios.

Joel 2:16

chimolo uchi' i tinimit re i Dios, chi'ana ch'am chke; chimolo kichi' i rijab', i ak'alab' xaq keje ne i ak'alab' chi k'a ketz'umanik. ¡Xaq keje ne i k'ate je k'ulinaq che'el li pa kiwarb'al!

Esdras 10:1

Tz'aqat ktijin ma Esdras che i lapanik ru' i Dios xaq chujachik ronojel ni'pa kimak chi xki'ano, lik ko'ik xukul chwach i rachoch i Dios, are uri jun tzob'aj aj Israel, achiyab', ixoqib' xaq ak'alab' chi xaq lik kesik'in che o'ej, xek'iji chrij chwach ma Esdras.

Deuteronomio 29:11

je ak'alab', ixoqib' xaq konojel aj naj chi je o chixol yix kmajan che ajtzukul si' k'a che ajk'amol ya,

Hechos 20:27

man yin inb'im chik ronojel wach uch'ob'om i Dios xaq lik nti wuwam uwach chiwe.

Deuteronomio 4:2

Mitz'ab'ij xaq miwesaj taq jun tzij che ronojel ni'pa kixintaq che, lik chi'ana pacha kub'ij utzij upixab' i Ajwal Dios chi kixintaq yin che.

ÉXODO 12:38

Lik je k'i i winaq re jalajuj taq lemajil xe'e ku' aj Israel le, xwi ta la ile, xaq lik je k'i i chikop xkik'am b'i ku'.

ZACARÍAS 8:23

Che taq i ij le, lajuj achiyab' je aj naj ke i jub'an chik nimaq taq tinimit kkichap ni che u'u' jun aj Judío i kkib'ij ni che: “¡Kqaj enam iwu' yix, man qatom chi i Dios o iwu' yix!”

Deuteronomio 29:9

Rumali, chi'ana ronojel pacha kub'ij i trat man keje ile ronojel ni'pa ki'ano kixel ni utz ru'.

Deuteronomio 29:10

Wo'or imolom iwib' iwonojel yix chwach Iwajwal Dios, konojel ni'pa aj-atzil chke i tzob'ajil, je uwi ujolom i tinimit, nimaq kipatan xaq konojel achiyab' aj Israel,

NEHEMÍAS 8:3

Xujeq rajlaxik saqirik xutzin chrajlaxik k'a are x-on pa'ij chkiwach konojel i winaq chi kimolom kib' chwach i k'ijib'al re i tinimit chi o chwach uchija re i Ya. Konojel i winaq le, lik xkiya kixikin che are x-ajlax uwach i wuj re u'atb'al tzij i Dios chke.