JOSUÉ 8:29 - Wuj Pa K'ubultzij

²⁹ Xaq xutaq ujitz'axik i ajawinel re i tinimit Hai che u'ab' jun che', xaq xub'ij chi ktzayb'ax ni kan uch'akul chila k'a kqaj ij. Are xtzaq b'i ij te'uri xutaq uqajsaxik, xkik'aq uch'akul i ajawinel pa okb'al re i tinimit xaq xkit'ub'a jub'an ab'aj puwi, chi xaq k'a o chila wo'or.

JOSUÉ 8:29 Referans Kwoze

2 Samuel 18:17

Te'uri xkiqajsaj li uch'akul ma Absalón, xkik'aq b'i chupam jun nim laj jul chi o chila pa nimaq taq che' xaq xkit'ub'a k'iyal ab'aj puwi. Chrijil chik ile; konojel aj Israel chi je enaq ru' ma Absalón, xe'anmaj b'ik, xe'e chi taq kachoch.

JOSUÉ 7:26

Pa k'isb'al re xkit'ub'a jub'an ab'aj chila ipa xejar wi pa a', i ab'aj le k'a t'ub'ul chila wo'or. Keje relsaxik roywal i Ajwal ile xu'ano. Rumali i k'ijib'al le ta'aj Acor ub'i.

Hechos 12:23

Are uri lik che i or le, jun ángel re i Ajwal xu'an che ma Herodes chi xpe jun yob'il che, man xukoj ti u'ij i Dios. Are uri xkamik i xtijaw kumal i amol.

Salmos 110:5

I Ajwal o pawiqab'im; ku'an ni tz'ajtz'ik chke i ajawinelab' pu'ijlal i roywal.

Salmos 107:40

Xwiri i Dios keuxutuj i jub'an chi kki'an k'ax chke i winaq le, xaq ku'an chke chi kesach pa taq tz'inilik jyub' chaqij chi nti b'e chupam.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

JOSUÉ 10:33

I ma Horam chi ajawinel ke aj Gezer ire xpe chkito'ik je aj Laquis, xwiri ma Josué xeuch'ako, xuchup kiwach konojel ru' ch'ich', mijun xk'asi kan chke.

JOSUÉ 10:30

I Ajwal xujach i tinimit Libna xaq i ajawinel re i tinimit le pki'ab' i je aj Israel. Rumali ma Josué xeukamsaj konojel, mijun xk'asi kanoq; i kamik chi xik'aw wi i ajawinel aj Libna lik keje pacha i kamik chi xik'aw wi i ajawinel aj Jericó.

Juan 19:31

I ij chi xrip wi xaq xtz'aw wi i Jesús chwach i krus chuxe'el i ij sábado, rumali i aj Judío kkaj taj chi kkanaj kan i ch'akulaj chila chwach i krus. Xaq i ij sábado le are i ij re i nima'ij Pascua, i nima'ij le lik o u'ij. Rumali k'iyal mul xkitz'onoj utzil che ma Pilato chi kutaq upatz'ik kaqan i je riptalik chi xaq je tz'awom chwach i krus, man keje ile su' keqajsax li chwach i krus.

JOSUÉ 12:9

I ajawinelab' chi xech'akik je are iri: Ajawinel re i tinimit Jericó, ajawinel re i tinimit Hai chi o putzal i tinimit Betel;

JOSUÉ 8:23

Xwi chik i ajawinel xkikamsaj taj, xkichapo xaq xkijach pu'ab' ma Josué.