JOSUÉ 8:23 - Wuj Pa K'ubultzij

²³ Xwi chik i ajawinel xkikamsaj taj, xkichapo xaq xkijach pu'ab' ma Josué.

JOSUÉ 8:23 Referans Kwoze

1 Samuel 15:8

Xuchap ma Agag chi ajawinel ke aj Amalec, te'uri xeukamsaj ru' ch'ich' konojel uwinaq chi je yij che i ch'oj.

Apocalipsis 19:20

I itzel chikop xchaptajik, xaq i rachi'il xchaptajik chi pacha profeta, xwiri xa ajt'oronel. Are ire le chi u'anom i nim laj anik rumal ucho'ab' i itzel chikop are o chwach. Rumal i nim laj anik le, je k'i i winaq je ut'orom xwiri xa je are ike chi o chik k'utb'al re i itzel chikop chke xaq kikojom u'ij i uk'exwach. Te'uri i itzel chikop xaq i rachi'il chi ajt'oronel, ike le je k'aslik xek'aq b'i chupam i a'. I a' le pacha uwi i mar kjuluwik chi kjuluw rumal i asufra.

JOSUÉ 10:17

Xwiri o jun xeuriqa i xretamaj ma Josué chi xeriqtaj i jo'ob' ajawinelab' chi kuwam kib' chupam jun pek.

JOSUÉ 8:29

Xaq xutaq ujitz'axik i ajawinel re i tinimit Hai che u'ab' jun che', xaq xub'ij chi ktzayb'ax ni kan uch'akul chila k'a kqaj ij. Are xtzaq b'i ij te'uri xutaq uqajsaxik, xkik'aq uch'akul i ajawinel pa okb'al re i tinimit xaq xkit'ub'a jub'an ab'aj puwi, chi xaq k'a o chila wo'or.

JOSUÉ 8:22

Xaq i achiyab' chi je yij che i ch'oj chi kuwam te'eq kib' chrij i tinimit, xeterej b'i chu'anik ch'oj chkij i je aj Hai, i je aj Hai le xech'api chkixol i je aj Israel, rumali xkiriq ti chik ipa xe'el wi. I je aj Israel xkichup kiwach konojel i je aj Hai, lik mijun xtotajik.

JOSUÉ 8:24

I je aj Israel are xkik'is kikamsaxik i je aj Hai chi je terejnaq te b'i chkij, te'uri konojel xe'e pa tinimit Hai, xaq xekikamsaj konojel ni'pa i je o kan chila.

JOSUÉ 10:22

Are uri ma Josué xutaq: “Ujaqik uchi' i pek xaq kelsaxik li jo'ob' ajawinelab' chi aj Hamor.”