JOSUÉ 8:22 - Wuj Pa K'ubultzij

²² Xaq i achiyab' chi je yij che i ch'oj chi kuwam te'eq kib' chrij i tinimit, xeterej b'i chu'anik ch'oj chkij i je aj Hai, i je aj Hai le xech'api chkixol i je aj Israel, rumali xkiriq ti chik ipa xe'el wi. I je aj Israel xkichup kiwach konojel i je aj Hai, lik mijun xtotajik.

JOSUÉ 8:22 Referans Kwoze

Deuteronomio 7:2

I Ajwal are ujachom chik i wuqub' tinimit le pi'ab', xaq are ix tikinaq chik yix chuqajsaxik ki'ij ru' ch'oj, lik rajwaxik kisach kiwach konojel xaq mi'an jun trat ku' xaq mitene kiwil taq tob'al kiwach.

1 Tesalonicenses 5:3

Are kkib'ij i winaq iri: “Wo'or ronojel lik utz lik chom, nti taq kojk'achir rumal,” are uri, xaqte'et kpe i tojpen pkiwi. Pacha uk'axk'ol kuna jun ixoq are kk'iji rak'al. Lik keje uri ile, chi ketotaj ti chwach i k'ax.

Job 20:5

I ukikotemal i utz ti laj winaq lik knajtin taj, lik juntir kk'isik.

JOSUÉ 10:28

Xaq che i ij le, ma Josué xukamsaj i ajawinel re i tinimit Maceda ru' ch'ich', xaq keje xu'an chke uwinaq, mijun xk'asi kanoq. I kamik chi xik'aw wi i ajawinel aj Maceda lik keje pacha i kamik chi xik'aw wi i ajawinel aj Jericó.

JOSUÉ 6:21

Te'uri ru' ch'ich' xekikamsaj achiyab', ixoqib', alab'om, rijab' xaq konojel i b'oyexab', chij, axna xaq konojel lik xekamik.

JOSUÉ 8:8

Are ix oknaq chub'ik, chinak'a a' che i tinimit le, pacha xojutaq i Dios chu'anik. Are intaqanik ile chiwe”; xub'ij ma Josué.

JOSUÉ 8:21

Ma Josué xaq i achiyab' chi je yij che i ch'oj chi je o ru' ire, are xkilo chi xnak' a' che i tinimit kumal i achiyab' chi kuwam te'eq kib' chrij tinimit, xetzalij loq xaq xe'ok chu'anik ch'oj chkij i je aj Hai.

JOSUÉ 8:23

Xwi chik i ajawinel xkikamsaj taj, xkichapo xaq xkijach pu'ab' ma Josué.