JOSUÉ 8:21 - Wuj Pa K'ubultzij

²¹ Ma Josué xaq i achiyab' chi je yij che i ch'oj chi je o ru' ire, are xkilo chi xnak' a' che i tinimit kumal i achiyab' chi kuwam te'eq kib' chrij tinimit, xetzalij loq xaq xe'ok chu'anik ch'oj chkij i je aj Hai.

JOSUÉ 8:21 Referans Kwoze

JOSUÉ 8:20

I winaq re i tinimit Hai are xetzun chkij, xkil i sib' chi kb'uquq pa tinimit kel b'i chikaj; are uri xkilo chi kkiriq ti chik ipa ke'anmaj wi, man i je aj Israel chi je anmajnaq te'eq chkiwach i aj Hai, xkisutij li kib', xe'ok chu'anik ch'oj chkij i aj Hai le.

JOSUÉ 8:22

Xaq i achiyab' chi je yij che i ch'oj chi kuwam te'eq kib' chrij i tinimit, xeterej b'i chu'anik ch'oj chkij i je aj Hai, i je aj Hai le xech'api chkixol i je aj Israel, rumali xkiriq ti chik ipa xe'el wi. I je aj Israel xkichup kiwach konojel i je aj Hai, lik mijun xtotajik.

JOSUÉ 10:1

Are xretamaj ma Adonisedec ajawinel re i tinimit Jerusalén lik xuxij rib', man ma Josué xumulb'a i tinimit Hai xaq xukamsaj i ajawinel pacha xu'an chke i je aj Jericó xaq i rajawinel. Xaq xretamaj ma Adonisedec chi je aj Gabaón xki'an jun trat ku' aj Israel xaq xek'iji chkixol. Are uri i aj Jerusalén xaq i rajawinel chi ma Adonisedec lik xe'ok il, man i tinimit Gabaón lik nim xaq lik je k'i i winaq je o chila, chkiwach i je o pa tinimit Hai; man i tinimit Gabaón le lik o u'ij, keje pacha i nimaq taq tinimit xaq i kiwinaq lik ko kiwach, mijun kech'akawik.

2 Samuel 10:9

Are xril ma Joab chi je o ajch'oj chrij chwach, are uri xeu'ul achiyab' aj Israel chi lik mas ko kiwach xaq lik kkiriq i ch'oj chi xeutaq la chuyijb'axik kib' chu'anik ch'oj ku' aj Siria.