JOSUÉ 8:20 - Wuj Pa K'ubultzij

²⁰ I winaq re i tinimit Hai are xetzun chkij, xkil i sib' chi kb'uquq pa tinimit kel b'i chikaj; are uri xkilo chi kkiriq ti chik ipa ke'anmaj wi, man i je aj Israel chi je anmajnaq te'eq chkiwach i aj Hai, xkisutij li kib', xe'ok chu'anik ch'oj chkij i aj Hai le.

JOSUÉ 8:20 Referans Kwoze

Apocalipsis 19:3

Te'uri xesik'in tan chik: “¡K'amori che i Dios! I sib' re i tinimit le lik kel ni k'a chikaj ronojel ij saq!” Xkib'ij.

Apocalipsis 18:9

I ajawinelab' re uwach i jyub' ta'aj xki'an i utz taj chwach i Dios rumal i tinimit le; xkiya kib' chutzukuxik i kirayijb'al ike. Ike ke'o' na xaq kesik'in na are kkil i sib' re i nim laj tinimit chi ktijin uk'atik.

ISAÍAS 34:10

Lik kchup ti chipa'ij chicha'ab', arewi kwalij ni usib'el. Lik arewi ronojel ij saq ko'tax ni kanoq, lik mijun kik'aw chik chila.

Salmos 76:5

Ni'pa i winaq chi lik ko kiwach, xmaj ub'itaq ke chke, xki'an ti chik pacha kich'ob'om ike, ni'pa lik o kicho'ab' nti xki'an re; man ike xewarik xaq xk'un ti chik saq chkiwach.

Job 11:20

Xwiri, i itzel laj taq winaq, kkitzukuj na pachin ketowik, xwiri kkiriq taj. Kkiriq ti jun k'ijib'al ipa kkito wi kib'; xwi i kamik kkoy-ej na.

GÉNESIS 19:28

Xtzun b'i puwi i Sodoma xaq puwi i Gomorra, xaq puwi ronojel ulew chi lik tik'tik ta'aj; are uri xrilo chi kb'uquq i sib' chwach ulew chi kel b'i chikaj pacha sib' re jub'an rosa.

JOSUÉ 8:19

I achiyab' chi je yij che i ch'oj chi kuwam kib' chrij i tinimit, are xkil i che' ch'ich' utzam chi xuyak an ma Josué, are uri xe'el la loq xaq juntir xe'ok la b'i pa tinimit chunak'ik a' che.

JOSUÉ 8:21

Ma Josué xaq i achiyab' chi je yij che i ch'oj chi je o ru' ire, are xkilo chi xnak' a' che i tinimit kumal i achiyab' chi kuwam te'eq kib' chrij tinimit, xetzalij loq xaq xe'ok chu'anik ch'oj chkij i je aj Hai.

Jueces 20:38

I achiyab' chi kuwam te kib' man ke'ok b'i pa tinimit chu'anik ch'oj, kib'im chke i kachi'il chi xe'ek, chi are kkil i sib' chi kb'uquq pa tinimit, kketamaj uri chi i tinimit Gabaa le xchup uwach ru' a'.

Jueces 20:40

xwiri are xujeq elik b'i sib' k'a chikaj, are uri utzob'ajil ma Benjamín xetaqen chkij, xkilo chi are kitinimit ktijin uk'atik.

Jueces 20:41

Are uri i aj Israel lik xki'an ch'oj, i utzob'ajil ma Benjamín xpe jun nim laj xib'rikil chke are xkilo chi xpe jun nim laj tojb'al pkiwi.