JOSUÉ 8:2 - Wuj Pa K'ubultzij

² Ki'an ni chke i winaq re i tinimit le xaq che i kajawinel pacha xi'an chke i je aj Jericó xaq che i kajawinel; xwiri wo'or ni'pa i ub'itaq ke kkanaj ni pi'ab' yix xaq konojel ni'pa i kichikop. Chayijb'a jun ch'oj xani'al, jix chiwuwaj iwib' chrij i tinimit.”

JOSUÉ 8:2 Referans Kwoze

Deuteronomio 20:14

Ixoqib', ak'alab', jalajuj taq chikop xaq ronojel ni'pa i jalajuj taq b'iroxik chi o pa tinimit, lik iwe yix ni uri, xaq lik china ujelal ronojel ni'pa kuya Iwajwal Dios chiwe chi ke te'eq i ajch'oj chiwij.

Proverbios 13:22

Jun utz laj winaq kuya kan kuxtab'al re chke i ri umam; xwiri kib'eyomal ajmakib' kya' ni chke i je utz laj taq winaq.

SEGUNDO LIBRO DE CR%D3NICAS 20:22

Lik ru' jun nim laj kikotemal xkijeq la ub'ixaxik i b'ix, are uri i Ajwal xuyoj kinojb'al aj Amón, aj Moab xaq aj chwi taq jyub' Seir, chi je petnaq chu'anik ch'oj chkij aj Judá, xwiri lik xkijam kib'.

JOSUÉ 6:21

Te'uri ru' ch'ich' xekikamsaj achiyab', ixoqib', alab'om, rijab' xaq konojel i b'oyexab', chij, axna xaq konojel lik xekamik.

JEREMÍAS 51:12

¡Chiya ilb'al re i ch'oj chrij i tapial re i tinimit Babilonia! ¡Cheikojo mas ajchajinelab'! ¡Cheikojo chik mas ajchajinelab' chi je yij che i ch'oj! ¡Lik chisutij kij! Man i Ajwal lik xuyijb'a xaq lik xu'an i anik chi uch'ob'om xaq utzijom chkij konojel i winaq re i tinimit Babilonia.

JEREMÍAS 17:11

I winaq chi utz ti uriqik ub'eyomal ku'an che, lik keje pacha jun ati t'uq chi keupo'saj i saqmol chi je re taj. Lik are k'a o ucho'ab' kro'taj kan ub'eyomal, pa k'isb'al re ke'eloq chi xa are jun utz ti laj nojb'al.

Proverbios 28:20

Jun chi lik kul k'uxij che, koksax ni uri u'ij, xwiri i jun chi lik xa are i b'eyomal kurayij, lik kya' ni uri utojb'alil che.

Salmos 39:6

¡Konojel i winaq je keje pacha i muj! Lik nti uchak che kumol taq uchi' ub'eyomal, man reta'am taj pachin pu'ab' kkanaj ub'eyomal le.

SEGUNDO LIBRO DE CR%D3NICAS 13:13

Ma Jeroboam xuya i taqanik chke konojel uwinaq chi je teren chrij chi kkisutij kij aj Israel xaq chkijeqa ch'oj chkij, keje ile chi jun chik tzob'aj achiyab' chi je yij che i ch'oj xeutaq b'i chu'anik ch'oj chkiwach i winaq aj Judá, tz'aqat i jub'an xe'ok li chu'anik ch'oj chkij.

JOSUÉ 10:28

Xaq che i ij le, ma Josué xukamsaj i ajawinel re i tinimit Maceda ru' ch'ich', xaq keje xu'an chke uwinaq, mijun xk'asi kanoq. I kamik chi xik'aw wi i ajawinel aj Maceda lik keje pacha i kamik chi xik'aw wi i ajawinel aj Jericó.

JOSUÉ 10:1

Are xretamaj ma Adonisedec ajawinel re i tinimit Jerusalén lik xuxij rib', man ma Josué xumulb'a i tinimit Hai xaq xukamsaj i ajawinel pacha xu'an chke i je aj Jericó xaq i rajawinel. Xaq xretamaj ma Adonisedec chi je aj Gabaón xki'an jun trat ku' aj Israel xaq xek'iji chkixol. Are uri i aj Jerusalén xaq i rajawinel chi ma Adonisedec lik xe'ok il, man i tinimit Gabaón lik nim xaq lik je k'i i winaq je o chila, chkiwach i je o pa tinimit Hai; man i tinimit Gabaón le lik o u'ij, keje pacha i nimaq taq tinimit xaq i kiwinaq lik ko kiwach, mijun kech'akawik.

JOSUÉ 8:24

I je aj Israel are xkik'is kikamsaxik i je aj Hai chi je terejnaq te b'i chkij, te'uri konojel xe'e pa tinimit Hai, xaq xekikamsaj konojel ni'pa i je o kan chila.

JOSUÉ 8:19

I achiyab' chi je yij che i ch'oj chi kuwam kib' chrij i tinimit, are xkil i che' ch'ich' utzam chi xuyak an ma Josué, are uri xe'el la loq xaq juntir xe'ok la b'i pa tinimit chunak'ik a' che.

JOSUÉ 8:14

I ajawinel re i tinimit Hai are xunab'ej chi o kmalkat chwa ta'aj, juntir xkiyijb'ala kib' ku' uwinaq chi je yij che i ch'oj, te'uri xe'el loq, xe'e pa ch'oj chkij je aj Israel chwach i jyub' Arabá, xwiri reta'am taj chi sutim rij i tinimit kumal jub'an chik aj Israel.

JOSUÉ 8:12

Ma Josué xeutaq chub'i lajujwinaq kab'lajujmo' (5,000) achiyab' chi je yij che i ch'oj chusutixik rij i tinimit Hai, ike xkuwaj kib' chuxol i tinimit Betel ru' i Hai, pusuk' i uqajb'al ij che i tinimit Hai le.

JOSUÉ 8:9

Are xeupon i achiyab' chi je yij che i ch'oj chila ipa xetaq wi b'i rumal ma Josué, ike xkuwaj kib' chila chuxol i tinimit Betel ru' i tinimit Hai, pusuk' uqajb'al ij che i tinimit Hai le, i ma Josué xkanaj kan ku' uwinaq che a'ab' le chila ipa xuya wi i taqanik.

JOSUÉ 8:7

Are uri yix, kixel li chila ipa iwuwam wi iwib', kixok b'i pa tinimit; man i Dios ku'an ni chqe chi kojch'akanik.

Deuteronomio 3:2

Are uri i Ajwal xub'ij chwe: “Maxij awib' che man Yin inya'om chik ire pa'ab', konojel achiyab' chi je yij che i ch'oj xaq ronojel rulew, man ka'an ni chke pacha xa'an che ma Sehón, chi ajawinel ke aj Hamor, chi je jeqel te'eq chila pa Hesbón.”

JOSUÉ 8:3

Ma Josué xkiyijb'a kib' ku' konojel achiyab' chi je yij che i ch'oj man ke'e chu'anik ch'oj chkij i je aj Hai. Xeucha jo'lajujmo' oxchiy (30,000) achiyab' chi je yij che i ch'oj xeutaq b'i cha'ab',

JOSUÉ 8:8

Are ix oknaq chub'ik, chinak'a a' che i tinimit le, pacha xojutaq i Dios chu'anik. Are intaqanik ile chiwe”; xub'ij ma Josué.

Deuteronomio 2:35

Yoj xwi xeqak'am li jalajuj taq chikop xaq i jalajuj taq b'iroxik, chi lik paqal rajil, chi xqariq chila pa jalajuj taq tinimit chi xeqakamsaj i winaq chwach.

JOSUÉ 9:3

Xwiri i je aj Gabaón are xketamaj wach xu'an ma Josué che i keb' tinimit Jericó xaq i Hai,

JOSUÉ 11:14

I je aj Israel xki'an ke che ronojel ub'itaq ke i je ajch'oj chkij xaq xki'an ke che konojel i kichikop; xwiri konojel i winaq chi je jeqel chila xekikamsaj ru' ch'ich', mijun xkik'asb'a kanoq.