JOSUÉ 8:19 - Wuj Pa K'ubultzij

¹⁹ I achiyab' chi je yij che i ch'oj chi kuwam kib' chrij i tinimit, are xkil i che' ch'ich' utzam chi xuyak an ma Josué, are uri xe'el la loq xaq juntir xe'ok la b'i pa tinimit chunak'ik a' che.

JOSUÉ 8:19 Referans Kwoze

JOSUÉ 8:18

Are uri i Ajwal xub'ij che ma Josué: “Chayaka an i ache' ch'ich' utzam chi o pa'ab', k'utb'al re chke achiyab' chi je sutiwnaq rij i tinimit chi chkijeqa i ch'oj, man Yin keinjach i winaq le pi'ab'.” Are uri ma Josué xu'ano pacha xb'ix che.

JOSUÉ 8:20

I winaq re i tinimit Hai are xetzun chkij, xkil i sib' chi kb'uquq pa tinimit kel b'i chikaj; are uri xkilo chi kkiriq ti chik ipa ke'anmaj wi, man i je aj Israel chi je anmajnaq te'eq chkiwach i aj Hai, xkisutij li kib', xe'ok chu'anik ch'oj chkij i aj Hai le.

Jueces 20:33

Aj Israel juntir xe'el li chila ipa je o wi te'eq i xkitus chik kib' chila pa Baal-tamar; xaq xe'el li konojel ni'pa kuwam kib' pa taq es chrij chwach i tinimit Gabaa.

Jueces 20:37

I achiyab' le chi kuwam kan kib' xaqte'et xe'ok b'i pa tinimit Gabaa, xekikamsaj konojel i winaq ru' ch'ich'.

JOSUÉ 8:2

Ki'an ni chke i winaq re i tinimit le xaq che i kajawinel pacha xi'an chke i je aj Jericó xaq che i kajawinel; xwiri wo'or ni'pa i ub'itaq ke kkanaj ni pi'ab' yix xaq konojel ni'pa i kichikop. Chayijb'a jun ch'oj xani'al, jix chiwuwaj iwib' chrij i tinimit.”