Biblia Todo Logo
Bib sou entènèt

- Piblisite -




JOSUÉ 8:18 - Wuj Pa K'ubultzij

18 Are uri i Ajwal xub'ij che ma Josué: “Chayaka an i ache' ch'ich' utzam chi o pa'ab', k'utb'al re chke achiyab' chi je sutiwnaq rij i tinimit chi chkijeqa i ch'oj, man Yin keinjach i winaq le pi'ab'.” Are uri ma Josué xu'ano pacha xb'ix che.

Gade chapit la Kopi




JOSUÉ 8:18
14 Referans Kwoze  

Man ma Josué xuqajsaj ti uche' ch'ich' utzam chi xuyak chikaj are xjeqan i ch'oj, k'a xekamsax ni konojel je aj Hai kumal i je aj Israel.


Lik keje ile kuk'ulmaj jun winaq chi kuyak taq u'ab' chrij i Dios, i jun chi kupaj taq rib' ru' i Dios chi Ronojel Ktiki Che,


tupu lik kejutz laj i ch'ab' chrij rumal i winaq ajrij taq kaway, xaq lik ktzij laj i a' chutzam i che' ch'ich' utzam xaq i jabalina.


Are uri a David xub'ij che: —Yet xatk'un chu'anik ch'oj wu' ru' ch'ich' chi o uware k'ulala, ru' che' jutz utzam xaq ru' jabalina, xwiri yin xink'un chu'anik ch'oj awu' pub'i i Dios chi lik ronojel ktiki che, chi are ki-Dios i achiyab' chi je yij che i ch'oj aj Israel chi lik ax kato'ta wi koywal.


Are uri ma Goliat kok'ilal xtejeb' pan ru' a David, nab'e b'i jun tol re chwach.


Xaq keje ch'uqb'al uwi ra' antal ru' anch'ich' le xaq keje i jabalina chi rok'am b'i chwi uteleb' che ile antal wi.


Are uri yix, kixel li chila ipa iwuwam wi iwib', kixok b'i pa tinimit; man i Dios ku'an ni chqe chi kojch'akanik.


Yet chayaka an ach'amiy chikaj, chak'utu puwi i mar, xaq chajaqa upam i ya, man keje ile ike keik'aw ni punik'ajal i mar xaq lik ke'ik'aw ni chwach ulew chaqij.


Are uri i Ajwal xub'ij che ma Moisés: —Chab'ij che ma Aarón chi chuk'utu uch'amiy pkiwi i raqana, pkiwi i b'eya xaq pkiwi i ya chi semelik, man keje ile ronojel ulew Egipto knoj ni che ixtutz' —xcha.


Rumali mijun chik achi chi yijil che i ch'oj xkanaj kan pa tinimit Hai, xaq mijun xkanaj kan pa tinimit Betel, konojel xeterej b'i chkij i aj Israel, rumal kiterejik b'ik chkij i aj Israel lik nti chik xchajiw kan i tinimit.


I achiyab' chi je yij che i ch'oj chi kuwam kib' chrij i tinimit, are xkil i che' ch'ich' utzam chi xuyak an ma Josué, are uri xe'el la loq xaq juntir xe'ok la b'i pa tinimit chunak'ik a' che.


Kinya ni ucho'ab' uteleb' i ajawinel re Babilonia, xwiri kwesaj ni ucho'ab' uteleb' ma faraón. Are kinya inch'ich' pu'ab' i ajawinel re Babilonia, ire kuyak chrij i tinimit Egipto, are uri kketamaj na chi Yin in Ajwal.


I Ajwal xub'ij che ma Moisés: Jat chub'ixkil che ma faraón: “Keje iri kub'ij i Ajwal, chaya b'i che intinimit ke'ek man kkikoj in-ij,


Swiv nou:

Piblisite


Piblisite