15 Ma Josué xaq konojel uwinaq xki'an che kib' pacha taq xkixij kib', rumali xe'anmaj chkiwach i aj Hai, xkimaj b'i b'e chi k-e pa tz'inilik jyub' chaqij.
I uchi' ulew pa moxab', kjeqan li chuchi' i ya Jordán, kpaqi b'i chwa taq jyub' pa moxab' che i Jericó, te'uri k-e chik pusuk' i uqajb'al ij chila tzam taq jyub', ke'el k'a pa tz'inilik jyub' chaqij Bet-avén.
Are uri utzob'ajil ma Benjamín xkinab'ej chi xqajsax ki'ij kumal aj Israel. I aj Israel le xe'ek man kul kik'ux chke i kachi'il chi kuwam kib' pa taq es chrij chwach i tinimit Gabaa.
I ulew chi xya' kan chke umuq uxikin i etz ma José, kjeqan b'i uchi' chuchi' i raqana Jordán chila prelb'al ij, kupon k'a chi taq ralaxb'al ya Jericó, te'uri kel b'i uchi' k'a pa tz'inilik jyub' chaqij, chi kpaqi b'i pa Jericó k'a tzam taq jyub' Bet-el.
I ajawinel re i tinimit Hai are xunab'ej chi o kmalkat chwa ta'aj, juntir xkiyijb'ala kib' ku' uwinaq chi je yij che i ch'oj, te'uri xe'el loq, xe'e pa ch'oj chkij je aj Israel chwach i jyub' Arabá, xwiri reta'am taj chi sutim rij i tinimit kumal jub'an chik aj Israel.
Are uri xe'anmaj chkiwach i aj Israel pa tz'inilik jyub' chaqij, xwiri xetiki ti che i anmajik, man i achiyab' chi xkinak' a' che i tinimit xki'atij chkiwach pa taq b'e, are uri xekikamsaj.