JOSUÉ 8:10 - Wuj Pa K'ubultzij

¹⁰ Chukab' ij i ma Josué lik we' xwalijik, xrik'awsaj kib'i konojel uwinaq; te'uri junam ku' i kaj-atzil i je aj Israel xenab'ej b'i chkiwach uwinaq, xe'e pa ch'oj chkij i je aj Hai.

JOSUÉ 8:10 Referans Kwoze

Salmos 119:60

Lik xinb'isoj xaq xinb'aytaj ti chu'anik pacha kub'ij atzij apixab'.

JOSUÉ 7:16

Chukab' ij lik we' tan, ma Josué xutaq kisik'ixik je aj Israel, lemajil pa taq lemajil; i Ajwal xuk'ut ulemajil ma Judá.

JOSUÉ 6:12

Chukab' ij, ma Josué we' xwalijik xaq i je ajsujul sipon xkik'am b'i kaxa re utrat i Ajwal.

JOSUÉ 3:1

Ma Josué we' xwalijik, junam ku' konojel i aj Israel xe'el chila Sitim, i xe'upon chuchi' i raqana Jordán, xwiri chuxe'el u'axik, xe'uxlan ni chila.

GÉNESIS 22:3

I mam Abraham lik we' xwalijik, xuwiq b'i u'axna, xaq xumut b'i si' re porb'al sipon. Xeuk'am b'i keb' chke umokom ru' xaq i uk'ojol chi a Isaac, xe'e che i k'ijib'al ipa b'ital wi che rumal i Dios.

JOSUÉ 8:9

Are xeupon i achiyab' chi je yij che i ch'oj chila ipa xetaq wi b'i rumal ma Josué, ike xkuwaj kib' chila chuxol i tinimit Betel ru' i tinimit Hai, pusuk' uqajb'al ij che i tinimit Hai le, i ma Josué xkanaj kan ku' uwinaq che a'ab' le chila ipa xuya wi i taqanik.

JOSUÉ 8:11

Konojel achiyab' chi je yij che i ch'oj chi je enaq ru' ma Josué, xeupon naqaj che i tinimit Hai, xwi chik jun ta'aj xetejeb' ti panoq; pa moxab' xek'iji wi che i tinimit le.