JOSUÉ 7:7 - Wuj Pa K'ubultzij

⁷ Are uri ma Josué xub'ij che i Dios: —¡Wajwal Dios! ¿B'uchak xoja'atsaj li che i raqana Jordán, xa jachb'al b'a qe ri pki'ab' je aj Hamor, xa'ano man kojkikamsaj? ¡Utz te'eq wetene xojkanaj kan ch'aqa ya Jordán!

JOSUÉ 7:7 Referans Kwoze

Hebreos 12:5

¿Xatab'a ya xsach pik'ux wach kub'ij i Dios? Kixupixb'aj pacha jun qajawxel keupixb'aj i rak'al. Chupam uwuj i Dios kub'ij: “Wak'al, maxutuj asuk'b'axik chi kya' chawe rumal i Ajwal, man xa tijojb'al awe chu'ankil i utz. Msach ukowil ak'ux are katij yaj rumal.

2 Reyes 3:10

Are uri i ajawinel ke aj Israel xub'ij: —¡B'ay! Wo'or kwil yin, i Ajwal xojuk'am li choj-oxib' ajawinelab', jachb'al qe pki'ab' aj Moab.

Mateo 17:20

I Jesús xub'ij chke. —Xixtiki ti che man nti qas ukub'ib'al ik'ux che i Dios. Qatzij kinb'ij chiwe: Wetene o ukub'ib'al ik'ux che i Dios, tupu xa pich' keje pacha unimal jun ija re mostas, kixtiki uri chu'anik nim laj anik ru'. Wetene kib'ij che i jyub'i: “Chat-el chi; chat-ax jela”; kib'ij ni che, lik kel uri. Is kixtiki uri chu'anik.

Mateo 17:17

Te'uri i Jesús xub'ij: —¡Yix, lik nti ukub'ib'al ik'ux che i Dios; lik ix sachnaq na! ¡O tan chi ij in o iwu', xwiri lik ix nawnaq taj! ¿Ni'pa nawi chik ij rajwaxik in o iwu'? Chik'ama li ak'al waral —xub'ij.

Salmos 116:11

Are b'a'krijnaq ink'ux to' xinb'ij i tziji pa k'achirik: Konojel i winaq lik je t'oronel.

NÚMEROS 14:3

¿Wach taq uchak xojuk'am li Ajwal che i tinimiti? ¿Re kamsab'al b'a qe ri pa ch'oj, xaq xa jachb'al b'a ke ri qixoqil xaq i qak'al pki'ab' i ajch'oj chqij? ¡Lik utz we kojtzalij chik pa Egipto!” Xecha.

ÉXODO 17:3

Xwiri i je aj Israel lik kek'atik, rumali xkimayij ti ukojik uch'ojil che ma Moisés, xkib'ij: —¿B'uchak xojawesaj li pa Egipto, xa kamsab'al b'a qe ri waral che i k'atik junam ku' i qak'al xaq i qachikop? —Xecha.

ÉXODO 16:3

I aj Israel xkib'ij: —Utz te'eq wetene xojukamsaj i Ajwal chila pa Egipto, man chila are kqatij wa lik kojnojik xaq k'iyal taq b'oj ti'ij kqatijo, xwiri yix xojik'am li waral pa tz'inilik jyub' chaqij, kamsab'al qe che i numik qonojel —xecha.

NÚMEROS 14:16

“I Ajwal xtiki ti chkik'amik b'i winaq le chwach ulew chi usujum chke, rumali xeukamsaj kan pa tz'inilik jyub' chaqij; kecha ri'.”

JOSUÉ 7:6

Rumal wach xkik'ulmaj le, ma Josué xaq i je aj-atzil ke i aj Israel xkiraqch'ij ki'u', xkikoj uk'aj ulew pkija' k'utb'al re chi je o pa b'is, xexuki'ik xaq xkiqajsaj kipalaj k'a chwach ulew, chwach i lo'laj ukaxa i Ajwal, k'a xqaj b'i ij.

JOSUÉ 7:8

¡Lo'laj Wajwal! ¿Wach chik kinb'ij wo'or, man i je aj Israel xe'anmaj chkiwach i je ajch'oj chkij?

1 Samuel 4:3

I aj Israel chi je yij che i ch'oj, are xetzalij chub'i che i k'ijib'al ipa je o wi te'eq, are uri i kinimaqil xkib'ij: “¿B'uchak chi Ajwal xuya chke aj Filistea chi xojkich'ak wo'or? Rumali chi aj Israel le xkib'ij chkiwach: Jo' pa tinimit Silo chuk'amik i lo'laj kaxa re i Ajwal man keje ile Ire kk'iji ni chqaxol xaq kojuto pki'ab' i ajch'oj chqij.”