JOSUÉ 7:6 - Wuj Pa K'ubultzij

⁶ Rumal wach xkik'ulmaj le, ma Josué xaq i je aj-atzil ke i aj Israel xkiraqch'ij ki'u', xkikoj uk'aj ulew pkija' k'utb'al re chi je o pa b'is, xexuki'ik xaq xkiqajsaj kipalaj k'a chwach ulew, chwach i lo'laj ukaxa i Ajwal, k'a xqaj b'i ij.

JOSUÉ 7:6 Referans Kwoze

GÉNESIS 37:29

Are xupon chik a Rubén chila ipa o wi i k'otom are uri xrilo chi nti chik a José chila chupam i k'otom le, rumali xuraqch'ij u'u' rumal ub'is.

GÉNESIS 37:34

Are uri mam Jacob xuraqch'ij u'u', xaq xukoj jun chik u'u' re b'is xaq k'iyal ij xo' che uk'ojol.

Lamentaciones 2:10

I je rijab' re i chom laj tinimit Sion kech'aw taj, je kul pulew, kkikoj ulew pkija' xaq kkikoj ki'u' re b'is. Xaq i altom re i tinimit Jerusalén kkiqajsaj kijolom k'a pulew.

2 Samuel 13:31

Are uri i ajawinel xwalijik, xuraqch'ij u'u', xuk'aq rib' pulew k'utb'al re ub'is, xaq konojel i je rajpatanib' chi je o chila, keje ile xki'ano chi xkiraqch'ij ki'u'.

NÚMEROS 14:6

Ma Josué chi uk'ojol ma Nun xaq ma Caleb chi uk'ojol ma Jefone, chi xeupon chrilik ulew, xkiraqch'ij ki'u' k'utb'al re kib'is,

Apocalipsis 18:19

Lik ke'o' na lik kesik'in ni chub'ixkil: “¡Ay, to' uwach i nim laj tinimit! U'onom loq ru' ub'eyomal xu'an b'eyom chke ni'pa o i ki-barco, ch'akb'al re kipwaq. ¡Xwiri, xa juntir xsachsax uwach!” Kkib'ij na.

Hechos 14:14

Xwiri ma Pablo xaq i ma Bernabé are xkinab'ej wach taq xe'ok i winaq chu'anik, ike xkiraqch'ij ki'u' xaq xe'ok b'i chkixol i winaq, kesik'in chub'ixkil i tziji:

Job 2:12

Are k'a naj je o wi, k'amaja keupon ru', xkil pan uwach ma Job, xwiri lik pen xkil ub'e chi are ire, are uri xkijeq sik'inik xaq xkijeq o'ej, lik ru' jun nim laj b'is xkiraqch'ij ki'u', xkik'aq uk'aj ulew chikaj xaq pkija'.

Job 1:20

Are uri ma Job xwalijik; rumal jun nim laj b'is xuraqch'ij u'u', xresaj b'i ronojel uwi te'uri xxuki chwach ulew kojb'al u'ij i Dios.

Ester 4:1

I ma Mardoqueo are xretamaj ronojel ni'pa ktijin uk'ulmaxik, xuraqch'ij u'u' k'utb'al re chi o pa b'is, xukoj u'u as, xukoj chaj puwi ujolom, xaq ru' jun nim laj b'is puk'ux, xujeq sik'inik pa taq b'e.

2 Samuel 12:16

Are uri ma David xumayij uwa'im, chutz'onoxik che i Dios puwi i ak'al xaq lik ronojel taq a'ab kkotz'i pulew.

2 Samuel 1:12

Xe'o'ik xaq k'ax xuna kik'ux rumal ukamik ma Saúl, xaq rumal ukamik uk'ojol chi ma Jonatán xaq rumal x-an k'ax chke aj Israel, i achiyab' chi je yij che i ch'oj re i Ajwal, xaq xkimayij kiwa'im rumal kib'is k'a xqaj ij.

1 Samuel 4:12

Xwiri jun achi chi yij che i ch'oj re utzob'ajil ma Benjamín, x-anmaj li che i ch'oj, pa'anem xupon chila Silo lik che i ij le chi x-anmaj loq, lik raqch'ijnaq u'u' xaq nojnaq ujolom che ulew.

Jueces 21:2

Are uri xkimol kib' pa tinimit Betel, chila xe'oksan wi a'ab', xesik'in che o'ej chwach i Ajwal,

Jueces 20:26

Are uri konojel achiyab' chi je yij che i ch'oj xaq konojel i winaq aj Israel, xe'e chik pa Betel, xe'ok chub'ixkil che i Ajwal chi k'ax kuna kik'ux wach xkik'ulmaj. Lik jun ij xkimayij kiwa'im chusujuxik kisipon re chomb'al kib' chwach i Ajwal xaq chusujuxik i porom sipon.

NÚMEROS 16:45

—¡Chixel ku' konojel i winaq le man wo'or kinsach kiwach! Are uri ma Moisés xaq i ma Aarón xexuki'ik xkiqajsaj kipalaj k'a chwach ulew.

NÚMEROS 16:22

Xwiri ma Moisés xaq ma Aarón le xexuki'ik, xkiqajsaj kipalaj k'a chwach ulew, xkib'ij: —¡Ajwal Dios! Yet chi kaya kik'aslemal konojel i winaq ¿Kpe b'a awoywal chke konojel i winaq xa rumal umak jun?

JOSUÉ 7:7

Are uri ma Josué xub'ij che i Dios: —¡Wajwal Dios! ¿B'uchak xoja'atsaj li che i raqana Jordán, xa jachb'al b'a qe ri pki'ab' je aj Hamor, xa'ano man kojkikamsaj? ¡Utz te'eq wetene xojkanaj kan ch'aqa ya Jordán!

2 Samuel 1:11

Are uri ma David xaq i achiyab' chi je o ru', xkiraqch'ij ki'u' k'utb'al re kib'is.

2 Reyes 22:11

I ajawinel are xuta wach kub'ij i wuj re u'atb'al tzij i Dios, are uri xuraqch'ij u'u'.

SEGUNDO LIBRO DE CR%D3NICAS 34:19

Are xuta i ajawinel wach kub'ij i wuj re i atb'al tzij, lik xuraqch'ij u'u',

Job 42:6

Rumali kinkoj ti chik pajil wach inb'im xaq lik kwo'ej chik wach i xinb'ij, inkul puk'aj ulew xaq pa chaj. Xcha ma Job.

Jueces 11:35

I ma Jefté are xrilo chi are umi'al xel loq, are uri xuraqch'ij u'u' rumal ub'is, xub'ij che: —¡Inmi'al, lik nim i k'ax kapetsaj pinwi! Lik yet katyaw i nim laj k'ax pwanima. Man yin in-anom jun sujunik chwach i Ajwal chi lik kin-an na.

2 Samuel 1:2

Xwiri che urox ij, xupon jun achi relik b'i chkixol uwinaq ma Saúl chila pa k'ijib'al ipa je o wi, uraqch'im u'u' xaq ukojom ulew puja' k'utb'al re chi kb'isonik. Are xupon chwach ma David xuqajsaj upalaj k'a chwach ulew k'utb'al re chi lik nim u'ij ma David.

2 Samuel 13:19

xukoj chaj puja', xuraqch'ij i chom laj u'u' chi ukojom xaq xuya b'i u'ab' puja', lik ksik'in che o'ej x-ek.

Esdras 10:1

Tz'aqat ktijin ma Esdras che i lapanik ru' i Dios xaq chujachik ronojel ni'pa kimak chi xki'ano, lik ko'ik xukul chwach i rachoch i Dios, are uri jun tzob'aj aj Israel, achiyab', ixoqib' xaq ak'alab' chi xaq lik kesik'in che o'ej, xek'iji chrij chwach ma Esdras.

NEHEMÍAS 9:1

Che i ij kajib' juwinaq (24) re i ik' le, aj Israel xkimol kib' chumayixik kiwa'im rumal kilapanik ru' i Dios; xkikoj ki'u' as xaq xkikoj ulew pkija',

Ester 4:3

Xaq keje ile xki'an pa jalajuj taq tinimit ipa xupon wi i taqanik re i ajawinel, rumali xpe jun nim laj k'achirik chkixol aj Israel, konojel xkisaqij kib'is man xkimayij utijawik kiwa, xe'o'ik xaq xesik'inik, je k'i chke xekotz'i puwi i chaj xaq xkikoj ki'u' as.