JOSUÉ 7:5 - Wuj Pa K'ubultzij

⁵ Xeterb'ex li xol uchija re i okb'al che i tinimit, xemajtaj k'a che jun xulanik, are uri xekamsax waqlajuj juwinaq (36) chke i aj Israel; rumali konojel i aj Israel laj xel kik'ux xaq laj x-e kuxlab'.

JOSUÉ 7:5 Referans Kwoze

JOSUÉ 2:11

Are xqata ile lik qonojel, laj xel qak'ux xaq laj x-e quxlab' iwumal yix, man i Ajwal chi i-Dios yix, lik are i Dios aj chikaj xaq Dios aj chwach ulew.

JOSUÉ 2:9

—Weta'am chi Ajwal uya'om ulewi chiwe, man Ire u'anom chqe chi kqaxij qib' chiwe yix, konojel i winaq re i tinimit lik to' ketzaq chik pulew rumal kixib'rikil.

LEVÍTICO 26:36

I jub'an chi kek'asi kan chixol, lik nim ni xib'rikil kinpetsaj pkiwi chi je o pa jalajuj taq tinimit ke je ajch'oj chkij, lik ke'anmaj ne xa rumal jun uxaq che' chi ktzaq li rumal i tew. Lik ke'anmaj na pacha taq je oqtam ru' ch'ich' xaq kejab' laj ni pa taq ulew tupu nti ke'oqtawik,

NAHUM 2:10

Lik wulijnaq, chaqij jyub', tz'inilik jyub' o'tam, lik keje ile u'anom i tinimit Nínive. I kanima i winaq lik ksach rumal xib'rikil, lik ksiksat i kich'ek, konojel nti chik kicho'ab' xaq i kipalaj lik ksach utzunb'al.

Ezequiel 21:7

Moqxa kkitz'onoj chawe b'uchak kato'ik, chab'ij chke chi rumal jun tzij xata chi lik ya k-antaj na, chi konojel i winaq re uwach i jyub' ta'aj kekanaj na chi nti chik ukowil kik'ux; xaq lik kqaj ni ucho'ab' i kiteleb', mijun kkanaj na we o taq ukowil, konojel kb'arb'at ni pkich'ek rumal kixib'rikil. Ya kuriq i ij xaq ya k-antajik. Yin in Ajwal, kinb'ij.

ISAÍAS 13:7

Are uri konojel i winaq chwach i jyub' ta'aj kkiya ni che kiteleb' kqajik, konojel kqaj ni ukowil kik'ux,

Salmos 22:14

in keje pacha i ya chi ktixik, inb'aqil xe'el pkik'ijib'al; wanima keje pacha i xepu chi kjar b'i che inpam.

JOSUÉ 5:1

Konojel i ajawinelab' chi je aj Hamor chi je o puqajb'al ij che i raqana Jordán, xaq konojel i ajawinelab' aj Canaán chi je o naqaj che i mar Mediterráneo, are xketamaj chi Ajwal xuchaqijsaj i raqana Jordán re ki'axb'al i aj Israel, lik laj xel kik'ux, xaq laj x-e kuxlab' xaq xkitak'b'a ti chik kib' chwach i ch'oj.

Deuteronomio 1:44

Are uri aj Hamor, chi je jeqel chila chwi jyub' le, xkitak'b'a kib' chu'anik ch'oj iwu' are uri chi xixkoqtaj pacha taq jub'an kab' chi kkoqtaj i pachin keto'tawik, xkijeq u'anik k'ax chiwe chila Seir xkimayij, k'a chila Horma.

Salmos 58:7

Lik chsach ni kiwach pacha ku'an i ya chi ktzajik xaq chechaqij na pacha ku'an i es chi o pa b'e;