JOSUÉ 7:18 - Wuj Pa K'ubultzij

¹⁸ Are uri ma Josué xerik'awsaj rak'al ma Zabdi jujunal, i xk'ut chik i Acán chi uk'ojol ma Carmi, ri umam ma Zabdi xaq umuq uxikin ma Zera re ulemajil ma Judá.

JOSUÉ 7:18 Referans Kwoze

NÚMEROS 32:23

Xwiri we ki'an taj chrij pacha xib'ij, su' chiwetamaj uri chi ki'an jun nim laj mak atzalal chwach i Ajwal, lik saq laj tzij uri chi kuriqa ni jun ij chi kya' utojb'alil i mak le chiwe.

JEREMÍAS 2:26

Keje pacha ili'om chi kk'ix che are knab'tajik, keje ni kuk'ulmaj i tinimit Israel ile: Konojel i winaq, ajawinelab', je aj-atzil, je ajsujul sipon xaq i profeta.

Proverbios 13:21

I ajmakib' lik je terb'em rumal i utz taj; xwiri i je utz laj taq winaq kya' ni utzil chomal pkiwi rumal i utz.

1 Samuel 14:42

Are uri xub'ij ma Saúl: —Chi'ana i sakinik pqawi yoj ru' ink'ojol. I sakinik xtzaq puwi ma Jonatán.

JOSUÉ 7:17

Ma Josué xeusik'ij ulemajil ma Judá ire xub'ij kib'i i ralk'uwal, xaq xk'ut chik i ralk'uwal ma Zera, te'uri chkixol i ralk'uwal ma Zera le, xk'ut chik i ralk'uwal ma Zabdi chi ki'anom kib' chi taq kachoch.