JOSUÉ 6:6 - Wuj Pa K'ubultzij6 Are uri ma Josué chi uk'ojol ma Nun, xeusik'ij i ajsujul sipon, xub'ij chke: “Chik'ama b'i kaxa re utrat i Ajwal xaq wuqub' chiwe chkik'ama b'i rok'a' chij chi antal trompet che, kixnab'ej b'i chwach i kaxa.” Gade chapit la |
I wuqub' ajsujul sipon chi je ok'awnaq i rok'a' chij chi antal trompet che, xenab'ej b'i chwach i kaxa re utrat i Ajwal lik ketijin chuxut'ixik i rok'a' chij; i achiyab' chi je yij che i ch'oj xenab'ej b'i chkiwach i kexut'iw i rok'a' chij le, xaq i jub'an chik achiyab' chi je yij che i ch'oj xeterej b'i chrij i kaxa re utrat i Ajwal, tz'aqat i je ajsujul sipon xkimayij ti uxut'ixik i rok'a' chij chi antal trompet che,
I aj Israel chi je yij che i ch'oj, are xetzalij chub'i che i k'ijib'al ipa je o wi te'eq, are uri i kinimaqil xkib'ij: “¿B'uchak chi Ajwal xuya chke aj Filistea chi xojkich'ak wo'or? Rumali chi aj Israel le xkib'ij chkiwach: Jo' pa tinimit Silo chuk'amik i lo'laj kaxa re i Ajwal man keje ile Ire kk'iji ni chqaxol xaq kojuto pki'ab' i ajch'oj chqij.”