JOSUÉ 6:5 - Wuj Pa K'ubultzij

⁵ Yix are kita chi rok'a' chij lik chom xaq junwi ch'awik k-ono, xaq keje uri yix ko chixsik'inoq; are uri i tapial chi sutinnaq chrij i tinimit kwulij na loq. Te'uri suk'ulik chixok b'i yix chu'anik ch'oj chrij i tinimit.”

JOSUÉ 6:5 Referans Kwoze

Hebreos 11:30

X-on panoq, i aj Israel winaq xki'aljinsaj tan chik ukub'ib'al kik'ux che i Dios are xesutin chrij i tinimit Jericó. Are xel wuqub' ij i kisutinik, xwulij b'i i nim laj tapial re i tinimit le, are uri xe'ok pa tinimit.

ÉXODO 19:19

Arewi are kch'aw ma Moisés xaq are uri knimar uch'awb'al i trompeta le xaq i Dios xch'aw che ru' uch'awb'al ray.

1 Samuel 17:52

Are uri konojel achiyab' aj Israel xaq i achiyab' aj Judá kesik'inik xekiterb'ej b'ik k'a pa okb'al re i tinimit Gat, xaq k'a pa okb'al re i tinimit Ecrón. Che ronojel i b'e chi kel b'i pa tinimit Saaraim kupon k'a pa tinimit Gat xaq i Ecrón, lik je jab'ernaq chik kich'akul achiyab' aj Filistea chi je yij che i ch'oj.

1 Samuel 17:20

Chukab' ij a David we' tan xwalij b'ik, xeuya kan i chij chi chajixik ru' jun chik, ire xuk'am b'i wach taq kkitij i ratz chi xuya b'i ma Isaí che. Are xupon chila ipa je o wi i ratz, i achiyab' chi je yij che i ch'oj ketijin chuyijb'axik kib' man ke'e chu'anik ch'oj, lik kesik'in konojel.

1 Samuel 4:5

Xuk'ulmaj are xeupon chila ipa je o wi aj Israel, are uri lik ko xesik'in rumal kikikotemal, man xupon i kaxa re utrat i Ajwal, lik xyikyat ne ulew kumal.

JOSUÉ 6:20

Are uri i je ajsujul sipon ko xkixut'ij i rok'a' chij chi antal trompet che, are xkita i aj Israel xaq ike ko xesik'inik pacha b'ital chke rumal ma Josué, are uri xwulij li tapial nim uwach re itinimit. I aj Israel juntir xe'ok b'i pa tinimit i xki'an ke che.

JOSUÉ 6:16

Are je o che uwuq b'inik, i ajsujul sipon ko xkixut'ij i rok'a' chij lik x-e uqul xki'an che, are uri ma Josué xub'ij chke i winaq: ¡Chixsik'inoq! Man i Ajwal ujachom chik i tinimit pi'ab'.

JEREMÍAS 50:15

¡Chixsik'in ru' i sik' re i ch'oj che ronojel taq k'ijib'al! ¡I tinimit Babilonia lik ya kujam rib'! ¡Xtzaq li nimaq taq tak'taq ja, xaq xewulij i tapial! ¡Iri lik are u'anik uk'exel: Chi'ana uk'exel che ire! ¡Chi'ana che ire pacha xu'an ire chiwe yix!

ISAÍAS 30:25

Are kuriqa i ij re i nim laj kamik xaq are ketzaq ni ni'pa ucho'ab' i tinimit, kenimar ni raqana xaq kexet'et' ni nimaq taq ya chwa taq jyub' naj uwi.

ISAÍAS 25:12

I Ajwal kutzaqsaj ni i nimaq xaq i ko laj taq tapial, kuwulijsaj na xaq kuya ni kan chila pa taq ulew.

JOSUÉ 6:4

Je wuqub' ajsujul sipon kkik'am nu b'i jujun rok'a' chij chi antal trompet che, kenab'ej nu b'i chwach i kaxa re utrat i Ajwal. Che i uwuq ij lik keb'in ni wuqmul chrij i tinimit Jericó, tz'aqat i ajsujul sipon kkixut'ij i rok'a' chij chi antal trompet che.

JOSUÉ 6:6

Are uri ma Josué chi uk'ojol ma Nun, xeusik'ij i ajsujul sipon, xub'ij chke: “Chik'ama b'i kaxa re utrat i Ajwal xaq wuqub' chiwe chkik'ama b'i rok'a' chij chi antal trompet che, kixnab'ej b'i chwach i kaxa.”

Jueces 20:37

I achiyab' le chi kuwam kan kib' xaqte'et xe'ok b'i pa tinimit Gabaa, xekikamsaj konojel i winaq ru' ch'ich'.