JOSUÉ 6:24 - Wuj Pa K'ubultzij

²⁴ Te'uri i aj Israel xkinak' a' che i tinimit le, xaq xkinak' che ronojel ni'pa o chupam, xwi i an-o'oj, saq-o'oj, anch'ich', xaq i ch'ich' xkinak' ti a' che, ronojel ile xya' ru' ub'itaq re i Ajwal prachoch.

JOSUÉ 6:24 Referans Kwoze

JOSUÉ 8:28

I ma Josué xuporoj i tinimit Hai, is xumulb'a ronojel, chi k'a mulan chila wo'or.

Apocalipsis 17:16

I lajuj ok'a' chi xawilo xaq i nim laj itzel chikop, k-on panoq tzel kkil ni ixoq le chi kuch'ak umer chwach uch'akul. Ike xa kko'taj kanoq; kkikanaj kanoq lik ch'analik. Kkitij ni uti'ijlal, xaq kkiporoj na.

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

Apocalipsis 18:8

Rumal ile, k'i i k'ax kpe puwi che jun ij: Kpe i kamik, kpe i uyej, kpe i numik, xaq kporox ni pa a'. Keje ile kpe puwi i tinimit le, man nim ucho'ab' i Ajwal Dios chi kuya ni pa tojpen rumal umak.” Keje ile xub'ij i tzij chi xch'aw chikaj.

Deuteronomio 13:16

Kimol ni uchi' ronojel ub'itaq ke chila pa k'eb'al, xaq kinak' ni a' che i tinimit xaq ronojel ni'pa kimaj chke i ajch'oj chiwij, lik ronojel kichup ni uwach pacha jun porom sipon kojb'al u'ij Iwajwal Dios. I tinimit le kkanaj na ronojel ij saq jut'ub'aj ch'aqa taq ab'aj xaq lik kyijb'ax ti chik.

JOSUÉ 6:19

Xwiri i an-o'oj, saq-o'oj xaq i jalajuj taq b'iroxik anch'ich', xaq i to' ch'ich' kajach ni pu'ab' i Ajwal, te'uri kya' ni ru' ub'itaq re Ire.

Deuteronomio 20:16

Xwiri mijun winaq kik'asb'a kan chila pa taq tinimit chi kuya Iwajwal Dios chiwe chi lik iwe yix na;

JOSUÉ 6:25

Keje uto'ik uk'aslemal ati Rahab ile xu'an ma Josué man xeruwaj i keb' achiyab' chi xeutaq b'i pa Jericó chutaqexik i tinimit le. Rumali ati Rahab xaq i ralk'uwal xejeqi ku' aj Israel xaq k'a je o ku' wo'or.

NÚMEROS 31:10

xwi ta la ile, xaq xkinak' a' che ronojel kitinimit xaq kik'ijib'al ipa je o wi te'eq.

Deuteronomio 13:17

Lik nti jun b'iroxik kik'am che i ronojel ni'pa chupik chik re uwach. Man keje ile i Ajwal lik kmi' ti uri i roywal chiwe. Xa ne kuya i utzil chomal piwi xaq ku'an ni chiwe chi kixk'iyarik lik pacha xub'ij chke iwatit imam ujer,

JOSUÉ 11:11

I je aj Israel xekikamsaj ru' ch'ich' konojel ni'pa o kik'aslemal, mixatjun xkik'asb'a kanoq; xaq xkinak' a' che i tinimit Hazor.

2 Samuel 10:5

Are xretamaj ma David, xutaq b'i kik'ulaxik, man ike le lik ke k'ix che xaq xutaq b'i ub'ixkil chke chi chekanaj kan pa Jericó, k'a kk'iy ni kismachi', te'uri kepetik.

PRIMER LIBRO DE CR%D3NICAS 18:11

I ma David xujach ronojel i b'iroxik le pu'ab' i Ajwal junam ru' i an-o'oj xaq i saq-o'oj chi uk'amom pa jalajuj taq tinimiti: Edom, Moab, Amón, Amalec xaq kitinimit aj Filistea.