JOSUÉ 6:21 - Wuj Pa K'ubultzij

²¹ Te'uri ru' ch'ich' xekikamsaj achiyab', ixoqib', alab'om, rijab' xaq konojel i b'oyexab', chij, axna xaq konojel lik xekamik.

JOSUÉ 6:21 Referans Kwoze

JEREMÍAS 48:18

Chatqaj li che ak'ijib'al chi o u'ij, nim laj tinimit Dibón, xaq chatkul pulew chi lik chaqij uwach, man i ajsachanel re i Moab ya kupon awu' xaq lik uwulijsam chik i atapial nim uwach.

Apocalipsis 18:21

Te'uri jun ángel nim ucho'ab' xuyak jun nim laj ab'aj pacha jun nim laj ab'aj re ka' i xuk'aq b'i pa mar. Te'uri xub'ij: “Keje iri k-an ni chawe yet nim laj tinimit Babilonia; katk'aq nu b'ik, i lik k-iltaj ti chik awach.

1 Reyes 20:42

Are uri i profeta le, xub'ij che: —Keje iri ub'im i Ajwal: “Yet xaya b'i che achi x-ek chi ub'im i Ajwal kkamsax na, rumali wo'or, yet katkam ni puk'exel ire xaq kekam ni awinaq, puk'exel uwinaq ire.”

1 Samuel 15:8

Xuchap ma Agag chi ajawinel ke aj Amalec, te'uri xeukamsaj ru' ch'ich' konojel uwinaq chi je yij che i ch'oj.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

JOSUÉ 11:14

I je aj Israel xki'an ke che ronojel ub'itaq ke i je ajch'oj chkij xaq xki'an ke che konojel i kichikop; xwiri konojel i winaq chi je jeqel chila xekikamsaj ru' ch'ich', mijun xkik'asb'a kanoq.

JOSUÉ 10:39

Xkikamsaj i ajawinel aj Debir ru' ch'ich', xaq keje xki'an chke uwinaq xaq ni'pa je o chkij chkiwach, lik mijun xk'asi kan chke. Pacha kikamsaxik i je aj Hebrón, je aj Libna xaq i kajawinel xaq keje kikamsaxik i je aj Debir ile xki'ano xaq i kajawinel.

JOSUÉ 10:28

Xaq che i ij le, ma Josué xukamsaj i ajawinel re i tinimit Maceda ru' ch'ich', xaq keje xu'an chke uwinaq, mijun xk'asi kanoq. I kamik chi xik'aw wi i ajawinel aj Maceda lik keje pacha i kamik chi xik'aw wi i ajawinel aj Jericó.

Deuteronomio 7:16

Xwiri yix rajwaxik chi kichup kiwach konojel i winaq chi kujach i Ajwal pi'ab', miwil jub'i' tob'al kiwach xaq mikoj ki'ij kitiox, man are ile kixtzaqsaw chupam i mak atzalal.

Deuteronomio 2:34

Ronojel utinimit ire xetzaq pqa'ab', konojel is xqachup kiwach, xqakamsaj konojel achiyab' xaq konojel ixoqib' xaq i ak'alab'; mijun xk'asi kanoq.

Deuteronomio 13:16

Kimol ni uchi' ronojel ub'itaq ke chila pa k'eb'al, xaq kinak' ni a' che i tinimit xaq ronojel ni'pa kimaj chke i ajch'oj chiwij, lik ronojel kichup ni uwach pacha jun porom sipon kojb'al u'ij Iwajwal Dios. I tinimit le kkanaj na ronojel ij saq jut'ub'aj ch'aqa taq ab'aj xaq lik kyijb'ax ti chik.

JOSUÉ 8:2

Ki'an ni chke i winaq re i tinimit le xaq che i kajawinel pacha xi'an chke i je aj Jericó xaq che i kajawinel; xwiri wo'or ni'pa i ub'itaq ke kkanaj ni pi'ab' yix xaq konojel ni'pa i kichikop. Chayijb'a jun ch'oj xani'al, jix chiwuwaj iwib' chrij i tinimit.”

JOSUÉ 8:22

Xaq i achiyab' chi je yij che i ch'oj chi kuwam te'eq kib' chrij i tinimit, xeterej b'i chu'anik ch'oj chkij i je aj Hai, i je aj Hai le xech'api chkixol i je aj Israel, rumali xkiriq ti chik ipa xe'el wi. I je aj Israel xkichup kiwach konojel i je aj Hai, lik mijun xtotajik.

JOSUÉ 9:3

Xwiri i je aj Gabaón are xketamaj wach xu'an ma Josué che i keb' tinimit Jericó xaq i Hai,

JOSUÉ 11:11

I je aj Israel xekikamsaj ru' ch'ich' konojel ni'pa o kik'aslemal, mixatjun xkik'asb'a kanoq; xaq xkinak' a' che i tinimit Hazor.