JOSUÉ 6:17 - Wuj Pa K'ubultzij

¹⁷ I nim laj tinimit Jericó xaq ronojel ni'pa i o chupam ksach ni uwach rumal i k'oqb'al re i Dios, xwi ati Rahab chi kuch'ak umer chwach uch'akul kk'asi na xaq konojel ni'pa i je o chi rachoch, man ire xeruwaj i keb' achiyab' chi xeqataq li chrilik nim laj tinimiti.

JOSUÉ 6:17 Referans Kwoze

Deuteronomio 20:17

are ki'ano, kichup ni kiwach konojel i winaq, ke'eloq pacha jun sipon chi kiporoj chwach i Ajwal, ike le je are ni konojel aj Het, aj Hamor, aj Canaán, aj Ferez, aj Jiw xaq aj Jebus, chrij pacha utaqom u'anik i Ajwal.

Santiágo 2:25

Keje xu'an ati Rahab ile ujer, jun ixoq, chi chwach uch'akul kuch'ak wi umer, xwiri, i Dios utz xrilo rumal i xu'ano. Ire xuya kiposar i winaq chi je re i Dios, xeuto xaq xeutaq chub'i che jun chik b'e ani'al, elsab'al ke pki'ab' i winaq chi je ajch'oj chkij.

Miqueas 4:13

¡Chatwalijoq i chaya'ya uwi i trigo, tinimit Sion! Man i Ajwal kub'ij: “Yin kinya ni acho'ab' pacha re jun toro chi o rok'a' re ch'ich' xaq i rixk'aq re anch'ich', man keje ile ku'an ni k'ax chke uk'iyal taq tinimit. Yet kamaj ni kib'eyomal chke chi k'ax ti uch'akik ki'anom i kaya ni chwe Yin kojb'al re in-ij, Yin, chi in Ajwal re ronojel i jyub' ta'aj.”

Hebreos 11:31

Xaq i ixoq Rahab chi chwach uch'akul kuch'ak wi upwaq xu'aljinsaj ukub'ib'al uk'ux che i Dios. Ire xkam ti junam ku' i je qelqel laj taq winaq man ire lik ru' ronojel uk'ux xeuto i winaq chi to' je ajtaqenel aj Israel.

Hebreos 6:10

Man i Dios, suk'ul i ku'ano. Ksach ti chuk'ux wach i utz i'anom yix; ksach ti chuk'ux i k'axnab'al ik'ux yix chke i je re i Cristo chi kkitij uyej. Xi'aljinsaj chi lik k'ax kina i Dios are xeito ike. Xaq k'a are kixtijin chu'anik wo'or.

Gálatas 3:12

Xwiri i ujer atb'al tzij nti re che i kub'ib'al k'uxij, keje iri kub'ij: “We jun lik ku'ano pacha kub'ij ronojel i atb'al tzij, kuriq uk'aslemal uri rumal.”

Gálatas 3:10

Ni'pa i kkikub'a kik'ux chu'ankil ni'pa i tz'ib'tal rumal i mam Moisés chupam i ujer atb'al tzij, lik utz ti uri, man xa keya' pa tojpen. Man chupam uwuj i Dios kub'ij: “Keya' ni pa tojpen konojel ni'pa i kki'an taj pacha kub'ij ronojel i atb'al tzij tz'ib'tal kanoq.”

1 Corintios 2:7

Are i nojb'al chi kqab'ij yoj, are unojb'al i Dios chi ujer ani'al olik, are i nojb'al chi kkita ti ub'e i winaq. I nojb'al le uch'ob'om i Dios ujer are k'amaja kuyijb'a i jyub' ta'aj; uch'ob'om yab'al qa'ij yoj.

Mateo 25:40

Te'uri i Ajawinel kula' uwach chke: “Qatzij kinb'ij chiwe, ni'pa i utzil chomal i'anom che jun i wachalal chwach i Cristo, chi tupu nti qas u'ij, xe'el uri lik chwe yin xi'an wi.” Xcha.

GÉNESIS 12:3

Kinya ni utzil chomal pkiwi i winaq chi kkitz'onoj utzil chomal pawi, xaq keink'oqoj ni jub'an chi kkitz'onoj i k'oqb'al pawi; xaq awumal yet kinya ni utzil chomal pkiwi konojel i alk'uwal chwach i jyub' ta'aj.”

1 Corintios 16:22

We o jun, k'ax ti kuna i Ajwal, ¡Chk'oqox na! ¡Ajwal, we' chatk'unoq!

Ezequiel 39:17

I Ajwal xub'ij chwe: Chab'ij chke konojel i tz'ikin xaq chke konojel itzel taq chikop, chi chkimolo kib' chrij chwach xaq chepet tzam taq jyub' re Israel, che sujb'al chi kin-an chila ke ike. Utz na kkitij ni ti' xaq kkitu' ni kik' le;

JEREMÍAS 46:10

Iri are u'ij i Ajwal chi ronojel ktiki che, i iji are ku'anb'ej uk'exel i utz taj chke i rajch'oj chrij. I ch'ich' chi k'ulala o uware o pu'ab' i Ajwal i ku'an ni sokonik chke konojel ni'pa i keuriqo, lik k'a ko'on ni kaq rumal i uk'iyal kik'. Rumali i Ajwal chi ronojel ktiki che ku'an jun nim laj kamik che i tinimit moxab' chunaqaj i raqana Éufrates.

ISAÍAS 34:6

I uch'ich' i Ajwal chi k'ulala o uware lik ktz'itaj ni ru' kik' xaq ru' xepu, pacha k-ono are kkamsax jun ral chij xaq chab'at re sipon. I Ajwal ku'an ni jun nim laj sujunik pa Bosra xaq jun nim laj kamsanik pa Edom.

Esdras 10:8

Pachin jun chi kupon ti che i moloj ib' le are kk'is oxib' ij chi yatalik re kuponik, kmaj ni uri rulew che xaq kelsax b'i chkixol konojel chi xetzalij chaloq man je elsam te b'i pa cho'ab' chwach kulew; keje ile xkib'ij i aj-atzil xaq je ajpixb'anel.

1 Samuel 15:6

Are uri xub'ij chke aj Ceneo: —¡Chixel chkixol aj Amalec! ¡Man keje ile kixkam ti yix junam ku' ike, man yix xi'an i utz chke aj Israel are xe'el li pa Egipto! Are uri i aj Ceneo xe'el chkixol aj Amalec.

JOSUÉ 7:1

Xwiri i aj Israel xkiqel i Ajwal man o jun chke ulemajil ma Judá, chi Acán ub'i, uk'ojol ma Carmi, ri umam ma Zabdi xaq umuq uxikin ma Zera, ire le xmakunik man xrel-aj li k'iyal b'iroxik chi chupik uwach rumal i Dios. Rumali xpe roywal i Ajwal chke konojel i aj Israel.

JOSUÉ 2:22

I keb' taqenel le xe'e tzam taq jyub' xaq xkuwaj kib' chila oxib' ij pacha xub'ij ati Rahab chke, k'a xetzalij ni pa Jericó i jub'an chi je enaq chkitzukuxik, lik xekitzukuj k'ulala xwiri xekiriq taj.

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

LEVÍTICO 27:21

Are kuriqa tan chik i junab' re i o'tanik; i ulew le lik kjach uri pu'ab' i Ajwal xaq kkanaj uri pu'ab' i ajsujul sipon.