JOSUÉ 6:15 - Wuj Pa K'ubultzij

¹⁵ Che uwuq ij, lik k'a we' xewalijik, te'uri keb'in chik chrij i tinimit pacha kijeqom u'ankil, xwiri che i ij le, lik wuqmul xeb'in chrij i tinimit le.

JOSUÉ 6:15 Referans Kwoze

Salmos 119:147

Chuxe'el usaqirb'al xinwalij chutz'onoxik tonik chawe; lik kul ink'ux che asujunik.

2 Pédro 1:19

Ile chi xqilo, ku'aljinsaj chqe chi i tzij xkitz'ib'aj kan i profeta, lik qatzij. Yix, utz i ki'ano chi lik kikoj retalil che wach kitz'ib'am kan ike. Ni'pa i tz'ib'tal kan kumal ike le, keje pacha jun kantil chi tzijtal pa equm, ktzunik k'a ksaqirik, k'a are kel li nim laj ch'umil re usaqirb'al.

Mateo 28:1

Are xik'aw i ij sábado, are ya kpe i usaqirik re i nab'e ij re seman, are uri i ati Mariy Magdalena, xaq i ati Mariy jun, xe'e chrilik i jul.

Hebreos 11:30

X-on panoq, i aj Israel winaq xki'aljinsaj tan chik ukub'ib'al kik'ux che i Dios are xesutin chrij i tinimit Jericó. Are xel wuqub' ij i kisutinik, xwulij b'i i nim laj tapial re i tinimit le, are uri xe'ok pa tinimit.

JOSUÉ 6:14

chukab' ij xeb'in chik juyak chrij i tinimit Jericó, te'uri xetzalij chub'i pa kik'ijib'al. Keje ile xki'an ij ij k'a xtz'aqat ni waqib' ij.

JOSUÉ 6:16

Are je o che uwuq b'inik, i ajsujul sipon ko xkixut'ij i rok'a' chij lik x-e uqul xki'an che, are uri ma Josué xub'ij chke i winaq: ¡Chixsik'inoq! Man i Ajwal ujachom chik i tinimit pi'ab'.

JOSUÉ 3:1

Ma Josué we' xwalijik, junam ku' konojel i aj Israel xe'el chila Sitim, i xe'upon chuchi' i raqana Jordán, xwiri chuxe'el u'axik, xe'uxlan ni chila.