JOSUÉ 6:13 - Wuj Pa K'ubultzij

¹³ I wuqub' ajsujul sipon chi je ok'awnaq i rok'a' chij chi antal trompet che, xenab'ej b'i chwach i kaxa re utrat i Ajwal lik ketijin chuxut'ixik i rok'a' chij; i achiyab' chi je yij che i ch'oj xenab'ej b'i chkiwach i kexut'iw i rok'a' chij le, xaq i jub'an chik achiyab' chi je yij che i ch'oj xeterej b'i chrij i kaxa re utrat i Ajwal, tz'aqat i je ajsujul sipon xkimayij ti uxut'ixik i rok'a' chij chi antal trompet che,

JOSUÉ 6:13 Referans Kwoze

Gálatas 6:9

Mb'a'krij qak'ux chu'ankil ni'pa i utz, man we kb'a'krij ti qak'ux chu'ankil i utz, kuriq ni ij uri ktzalijsax ni uwach chqe.

Mateo 24:13

Xwiri, pachin i kkich'ijo k'a pa k'isb'al re, ketotaj na.

PRIMER LIBRO DE CR%D3NICAS 15:26

I Dios xeuto aj Leví chi kik'amom li i lo'laj ukaxa re utrat, rumali ike xkisujuj wuqub' ral taq torib' xaq wuqub' mama'ib' chij.

NÚMEROS 10:25

Pa k'isb'al re xeterej chub'i jub'an achiyab' chi je yij che i ch'oj chi je o chuxe' i k'ul chi kuk'ut ki'ij i utzob'aj ma Dan. I kaj-atzil ike le are ma Ahiezer, chi uk'ojol ma Amisadai.

JOSUÉ 6:4

Je wuqub' ajsujul sipon kkik'am nu b'i jujun rok'a' chij chi antal trompet che, kenab'ej nu b'i chwach i kaxa re utrat i Ajwal. Che i uwuq ij lik keb'in ni wuqmul chrij i tinimit Jericó, tz'aqat i ajsujul sipon kkixut'ij i rok'a' chij chi antal trompet che.

JOSUÉ 6:9

I achiyab' chi je yij che i ch'oj xenab'ej b'i chkiwach i ajsujul sipon chi kexut'iw i rok'a' chij, te'uri jub'an chik achiyab' chi je yij che i ch'oj xeterej b'i chrij i kaxa chajb'al re, tz'aqat i je ajsujul sipon ke'uxlan ti chuxut'ixik i rok'a' chij chi antal trompet che.

JOSUÉ 6:12

Chukab' ij, ma Josué we' xwalijik xaq i je ajsujul sipon xkik'am b'i kaxa re utrat i Ajwal.

JOSUÉ 6:14

chukab' ij xeb'in chik juyak chrij i tinimit Jericó, te'uri xetzalij chub'i pa kik'ijib'al. Keje ile xki'an ij ij k'a xtz'aqat ni waqib' ij.