JOSUÉ 6:1 - Wuj Pa K'ubultzij

¹ I winaq aj Jericó xkitz'apij uchija re i okb'al che i tinimit tob'al kib' chkiwach i aj Israel, rumali mijun winaq kok b'ik xaq mijun kel loq.

JOSUÉ 6:1 Referans Kwoze

JOSUÉ 2:24

xaq xkib'ij che: I Ajwal ujachom i tinimit pqa'ab' man konojel i winaq lik ketzaq chik pulew rumal kixib'rikil chqe. Xecha.

Salmos 127:1

I Ajwal, we kuyak ti i ja, lik nti kuchakuj uri kichak aj-anol ja; i Ajwal, we kuchajij ti i nim laj tinimit, xaq lik nti kuchakuj uri kichajinik i chajinelab'.

JOSUÉ 2:7

I achiyab' le chi je re i ajawinel xeterej b'i chkitzukuxik i je ajtaqenel; i b'e chi xkimaj b'ik are i b'e chi k-e chi raqana Jordán, chila ipa o wi i axb'al; are xe'el b'i achiyab' le, xtz'apix kan uchija re i elb'al che i tinimit.

2 Reyes 17:4

Xwiri i ajawinel aj Asiria, chi ma Salmanasar, xunab'ej chi ma Oseas kraj u'anik ch'oj chrij, xaq utaqom b'i jub'an ajb'il tzij ru' ma So, chi ajawinel re i tinimit Egipto; xwi ta la ile xaq kutoj ti chik i alkawal che ma Salmanasar chi kutoj junab' junab' che. Rumali ma Salmanasar xutaq uchapik xaq uminik ma Oseas prexil.

JOSUÉ 5:15

I kaj-atzil i je ajch'oj chikaj chi re i Ajwal xub'ij che ma Josué: —Chawesaj axajab' che awaqan man ipa at tak'al wi lik elsam re i Ajwal. Ma Josué lik keje ile xu'ano.

JOSUÉ 6:2

Xwiri i Ajwal xub'ij che ma Josué: “Yin injachom chik i Jericó pa'ab', junam ku' i rajch'oj, xaq i rajawinel.

JOSUÉ 2:1

I ma Josué chi uk'ojol ma Nun, are je o chila Sitim, ani'al xeutaq b'i keb' achiyab', xub'ij chke: “Jix chrilik ulew, wach u'anom, xaq i tinimit Jericó.” Xcha. Are xe'upon i ajtaqenel le pa tinimit Jericó, xe'ok chi rachoch ati Rahab, chila xkik'awsaj wi a'ab'; i ati Rahab le are jun ixoq chi kuch'ak umer chwach uch'akul.

JOSUÉ 16:7

Kel chik uchi' chila pa Janoa, kqaj chub'i pa Atarot xaq pa Naarat, kik'aw pa Jericó kupon k'a chi ya Jordán.

JOSUÉ 18:21

I tinimit chi xya' chke i kalk'uwal utzob'ajil ma Benjamín, are iri: Jericó, Bet-hogla, uwa ta'aj re Casis,

2 Samuel 10:5

Are xretamaj ma David, xutaq b'i kik'ulaxik, man ike le lik ke k'ix che xaq xutaq b'i ub'ixkil chke chi chekanaj kan pa Jericó, k'a kk'iy ni kismachi', te'uri kepetik.

2 Reyes 2:4

Chrijil chik ile, i ma Elías xub'ij che ma Eliseo: —Chatkanaj kan chi, man i Ajwal kinutaq b'i pa tinimit Jericó. Xwiri ma Eliseo xub'ij che: —Kinb'ij pub'i i Ajwal xaq pa b'i yet, chi katinya ti kan atukel. Are uri xe'e junam pa tinimit Jericó.